احلى اصحاب
منتدى احلى اصحاب
الاخوة الصادقة
اخوه فى الله - ممزوجة بالايمان
ندعوك للتسجيل معنا فى المنتدى واضافة لمستك الجميلة فية



 
الرئيسيةمكتبة الصورالتسجيلالأعضاءدخولبحـثس .و .جالمجموعات

شاطر | 
 

 على رأى المثل ..

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: على رأى المثل ..   الجمعة ديسمبر 03, 2010 1:28 pm

الســـــــــــــلام عليــــــــــــــكم .. احلى اصحــــــــــاب

قالوا : ( يا قاعدين .. يكفيكوا شر الجايين ..)

قلت انا :

( يا بخت من نفع .. واستنفع )

الموضوع بســـــــــــــيط .. احنا عندنا تراث ضخم من الحكمة الشعبية

تعالوا نعمل مكتبة .. للامثال الشعبية ..

بكل فكاهتها وحكمتها وتناقضها وابداعها

وعلى رأى جدتى : ( اعمل الخير .. وارميه البحر )

تعالوا نعمل خير .. ونرميه هنا

فكرت كتير .. ازاى اعمل الموضوع ده ..!!؟؟

وبعدين قلت : ( العبد ف التفكير .. والرب ف التدبير )
و
( اسعى يا عبد وانا اسعى معاك )

فكرت ابعت لكم دعوة .. تساعدونى اجمع موسوعة للامثال الشعبية

بس قلت لنفسى : ( لو كان حبيبك عسل .. ما تاكلوش كله )

( اعمل اللى عليك .. والباقى على ربنا )

ويا رب الموضوع يعجبكم .. وما حدش يقول : ( ياما جاب الغراب لامه ..!!)

طيب ابدأ الموضوع ازاى ..!! ؟؟ وازاى اعمل حاجة تشد انتباهكم ..!!؟؟

صحيح .. ( اللى عاوز تحيره .. خيره )

sm 154

يا حسام ( اعقلها وتوكل ) ..

انا كده تقريبا عملت الموضوع

بس فاضل حاجة واحدة .. شروط المشاركة .. !!

امممممممم .. مفيش شروط ..

ومش هاقول : ( يا بخت مين زار وخفف )

لان الكلام ده ف زيارة المريض ..

بس كل واحد ( يخلى ف عينه حصوة ملح ) ويجيب معاه هدية لما يزورنى

ان شا الله حتى مثل شعبى بسيط .. وزى ما بيقولوا : ( بصلة المحب .. خروف )

وطبعا لو حد ( مش عاجبه العجب ولا الصيام فى شهر رجب )

وحابب انه يعترض على مثل و ( يعمل زى الشريك المخالف ) ..

او يأيد فكرة مثل .. يبقى ( اللى ييجى ف الريش .. بقشيش )

واللى عنده سؤال .. يسأل طبعا .. ( هو السؤال حُرُم ..!!؟؟ )

يعنى البيت بيتكم والموضوع موضوعكم ..

وانا هابدأ باول مثل شعبى :

اللى داق المرار قبلك .. يعيط لما يقابلك ..!! cry*

افتكرلك ايه يا بصلة .. وكل قطمة فيكى بدمعة ..!! cry*



=================
aa8







الرجوع الى أعلى الصفحة اذهب الى الأسفل
بلسم الجرآح
قلب ينبض بحب فلسطينقلب ينبض بحب فلسطين
avatar

ذكر
عدد المساهمات : 1229
العمر : 27
الاوسمة: :

النشاط : 2419
التقييم : 408

مُساهمةموضوع: رد: على رأى المثل ..   الجمعة ديسمبر 03, 2010 1:42 pm

روووووووووووووووعة أخى حسام


موضوع كتييير حلو

سلمت أناملك ... الله يحفظك

يلى عاجبه عاجبه ويلى مش عاجبه ينتف حواجبه
الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الجمعة ديسمبر 03, 2010 1:51 pm

اقتباس :
روووووووووووووووعة أخى حسام


موضوع كتييير حلو

سلمت أناملك ... الله يحفظك

على رأى المثل : ( احنا زارنا النبى )

سعيد جدا انك اول واحد يزور الموضوع .. ومتوقع منك تكررها تانى كتير

( ما تروح وتقول عدوا لى )


اقتباس :
يلى عاجبه عاجبه ويلى مش عاجبه ينتف حواجبه
اللى عاجبه الكحل على كده .. يتكحل
واللى مش عاجبه ... يترحل







الرجوع الى أعلى الصفحة اذهب الى الأسفل
Islam Nasr
صاحب القلم الذهبيصاحب القلم الذهبي
avatar

ذكر
عدد المساهمات : 7790
العمر : 29
الاوسمة: :
صاحب القلم الذهبى
النشاط : 7749
التقييم : 999

مُساهمةموضوع: رد: على رأى المثل ..   الجمعة ديسمبر 03, 2010 4:59 pm

هههههههههههههه
طيب وربنا فكرة جامدة يا هندسة واتقدمت بشكل روعة
وفرحت اوى لما شوفتوا
ووريتوا لواحد قاعد معايا
بس انتا عارف
(جت الحزينة تفرح مالقتلهاش مطرح )
حسيت ان انا
(القرعة بتتعايق بشعر بنت اختها)
فقولت لازم اشكرك انت لانو حقك
ويا بخت من وفق راسين في الحلال


أنا مش فارس و لا فتى احلام...
انا زحمة و ربكة و شغل جنان...

نص بيضحك و التاني زعلان...
انا شيخ فلتان...

طيب شرير...
و جريء و جبان...
أوقات مشرق و اوقات بهتان...

و ساعات سلم و ساعات تعبان...
مفتري جدا...
و كمان غلبان...

شبابيك وببان...
توهة عنوان...

انا من الاخر عفريت لابس بدلة انسان ...
الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الجمعة ديسمبر 03, 2010 5:19 pm

رحاااااااااااااااااااااااااال

ايه المفاجاة دى .. ؟؟

وداخل علينا كده ( لا إحم ولا دستور ..!!؟؟ sm 172 )


اقتباس :
(جت الحزينة تفرح مالقتلهاش مطرح )

صدق اللى قال : ( باب الحزين معلم بطين )sm 174

اقتباس :
(القرعة بتتعايق بشعر بنت اختها)

بس ده يبقى : ( اقرع ونزهى )

اقتباس :
ويا بخت من وفق راسين في الحلال

الجعان بيحلم بسوق العيش

يا ابنى امشى ف جنازة وما تمشيش ف جوازة


شكرا رحالو ..

t







الرجوع الى أعلى الصفحة اذهب الى الأسفل
ياسمينا
عروسة المنتدى
عروسة المنتدى
avatar

انثى
عدد المساهمات : 9052
العمر : 27
الاوسمة: :

النشاط : 9081
التقييم : 829

مُساهمةموضوع: رد: على رأى المثل ..   الجمعة ديسمبر 03, 2010 7:48 pm

ايه يا حسام
(انت جاي تبيع ميه في حارة الساقيين )

(لاااااا داحنا اللي دهنا الهوا دكوووو)

ولا هو الحظ

(لما يأاتي يخلي الاعمي سعاتي )

انت عارف اني مدرسه لغه عربيه
وع راي المثل
(يموت الزمار وصوابعه بتلعب )

وماتقوليش بقي
(باب النجار مخلع )

لاني هقولك
(اللي متحبش تشوف وشه يجي يوم وتتمني تشوف قفاه)

_ _ _ _ _
موضوع جاااااااااااااااااااااااااااااااااااااااامد جدا
بس ايه رايك يا استاذي فيااااااااااا





للهم انى استودعك وطنى وانت الذى لا تضيع ودائعه
,فاحفظه يا ربى ولا تضيعه.
.اللهم إنا علمنا أنه مع العسر يسرا و مع الشدة فرج
و أنك مبدل الأحوال من حال إلى حال ربى إنك ترانا
و تعلم بحالنا فأبدل عسرنا يسرا و أبدل شدتنا بالفرج القريب
. آمين





الرجوع الى أعلى الصفحة اذهب الى الأسفل
بسملة
نسمة حب
نسمة حب
avatar

انثى
عدد المساهمات : 9346
العمر : 30
الاوسمة: :

النشاط : 7160
التقييم : 440

مُساهمةموضوع: رد: على رأى المثل ..   الجمعة ديسمبر 03, 2010 8:07 pm

ههههههههههههههههههههههههه

تسلم ايدك
الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
ياسمينا
عروسة المنتدى
عروسة المنتدى
avatar

انثى
عدد المساهمات : 9052
العمر : 27
الاوسمة: :

النشاط : 9081
التقييم : 829

مُساهمةموضوع: رد: على رأى المثل ..   الجمعة ديسمبر 03, 2010 9:55 pm

الامثال الفلسطنيه حلوة اوي
عارف ده يا انين ممكن يتقال امتي كمان
اقتباس :
- باع عمارة واشترى حمارة
للي اتجوز ع مراته وكانت مراته احسن
للخايب
وع رأي المثل
(اتلم المتعوس ع خايب الرجا )

اقتباس :
الطبخة اذا كثره طبخينها بتخرب
وع راي المثل المصري
(المركب اللي ليها ريسين تغرق)





للهم انى استودعك وطنى وانت الذى لا تضيع ودائعه
,فاحفظه يا ربى ولا تضيعه.
.اللهم إنا علمنا أنه مع العسر يسرا و مع الشدة فرج
و أنك مبدل الأحوال من حال إلى حال ربى إنك ترانا
و تعلم بحالنا فأبدل عسرنا يسرا و أبدل شدتنا بالفرج القريب
. آمين





الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الجمعة ديسمبر 03, 2010 10:10 pm

اقتباس :
ايه يا حسام
(انت جاي تبيع ميه في حارة الساقيين )

sm 174
انا عملت الموضوع ده .. وانا عارف انى داخل حارة السقايين يا رحاب

و قلت لنفسى ( مين جاور السعيد .. يسعد )


=========

اقتباس :
ولا هو الحظ

(لما يأاتي يخلي الاعمي سعاتي )

مش كده وبس .. ده كمان ( يخلى العبيط .. قرداتى )

===========
اقتباس :
انت عارف اني مدرسه لغه عربيه
يا حسرة
( خيبة الامل .. راكبة جمل )
طبعا باهزر .. ما لاقيتش غيره اصلا

=============
اقتباس :
(اللي متحبش تشوف وشه يجي يوم وتتمني تشوف قفاه)
sm 174
( خدنا ايه من وشك لما تدينا قفاك ..!! )
===========
اقتباس :
موضوع جاااااااااااااااااااااااااااااااااااااااامد جدا
بس ايه رايك يا استاذي فيااااااااااا

استااااااااااااااذة ورئيسة قسم .. برافو عليكى

++

تعليمى نفع معاكى اهوه .. وعلى رأى المثل :
( علمناهم الشحاتة .. سبقونا ع الابواب )








الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الجمعة ديسمبر 03, 2010 10:27 pm

اقتباس :

ههههههههههههههههههههههههه

تسلم ايدك

شكرا على المرور يا بسملة .. بس فين المثل بتاعك

هيا ( العين بصيرة والايد قصيرة ..!! )

والا ( دخانك عماني و اكلك ما جاني )

والا هيا

( يادى الشيلة يادى الحطة روحت على جمل وجيت على قطة)

ii9







الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الجمعة ديسمبر 03, 2010 11:14 pm

اقتباس :
ههههههههههههههههههههههههه

والله ياعمى روعة روعة

( مين يشهد للعروسة ..!!؟؟ )

تسلملى حبيبى

===============

اقتباس :
طيب دجاجة حفرت علي راسها عفرت ... يعنى من الاخر اتلقي وعدك يا حسام

( دبووووووور وزن على خراب عشه .. )

=============
اقتباس :

عندنا امثال فلسطينية يارب تفهموها متل ......

طبعا يهمنا نعرف الامثال الشعبية الفلسطينية .. ونستفيد منها
( اللى يجي م الصعايدة .. فايدة )
( وابو بلاش كتر منه )


============
اقتباس :

- جوا الدار قردة وبرا الدار وردة ( تقال للي بتزبط حالها لما تطلع ولما ترجع البيت زى القردة بتكون هههههه )
sm 174
اعوذ بالله .. دى كده ( زى القرع تمد لبره )

( وفرى يا خايبة .. للغايبة )

==============
اقتباس :

-طبخته على النار وعينه على طبخة الجار ( تقال للي عنده فلوس وكل شي لكن عينه دايما علي غيره )

( بنى آدم ما يملاش عينه الا التراب )

===============
اقتباس :

- بعد المعروف ضرب كفوف ( تقال عندما يعمل احد معروف بالتانى ,لكن يقابل بالسيئة )

( آخر خدمة الغــُــز .. علقة )

==============
اقتباس :

- الانسان بالمحضر ومش بالمنظر ( يعنى الشخص بافعاله مش بمنظره وكلامه )

سيبك انت ..( الرك ع الحشو ) . يعنى المهم الجوهر

===========
اقتباس :

- باع عمارة واشترى حمارة ( يعنى باع شي غالي ومهم واشتري بدل منه حاجة تافهة )

ده عبيط اخوانه اكيد .. وبنقول عندنا ( خرب ساقية عشان يدور طاحونة )
ده حتى ما حصل اللى :
( باع نص البيت .. عشان يشترى النص التانى )


=========
اقتباس :
- الدار دار ابونا واجوا الغربية طحونا ( يعنى المكان النا احنا واجوا الضيوف طردونا منه )

وعندنا كمان ( البيت بيت ابونا .. والغُرب بيطردونا )

============

اقتباس :
- ان غاب القط العب يا فار ( مفهومة هاي ههههههه )

واضح ان الفيران كلها كده ف الوطن العربى كله
وااهو ( كله عند العرب .. صابون )


=========
اقتباس :

- صار للشرشوحة مرجوحة وصارت تحلف بالطلاق ( يعنى كانت امبارح معفنة واليوم طلع صوتها وصارت قوية ههه )

( يا فرعون ايه فرعنك ..؟؟ قال : ما لاقيتش حد يلمنى )
( القوالب نامت والانصاص قاامت )

============

اقتباس :
- ضرب الحبيب زبيب وحجارته قطين ( مفهوووووومة هاي )
نفس المثل : ( ضرب الحبيب زى اكل الزبيب )
بس الرجالة لما يقولوها .. بيبرروا موقفهم ويداروا الاحراج بس

===========
اقتباس :

- دلع ابنك بيرضيك دلع بنتك بتخزيك ( يعنى لما تدلع ابنك بيرفع راسك , لكن بنتك بتسووق فيها ودلعها نهايته مش منيحة )

مش موافق ع المثل ده .. واحنا بنقول :
( ابنك على ما تربيه .. وجوزك على ما تعوديه )
( اكسر للبنت ضلع يطلع لها 24 ) وسبق ورفضنا المثل ده كمان انا وانت

=============

اقتباس :
- القرد في عين امه غزال ( يعنى الواحد دايما في عيون قرايبه بيكون غزال حتى لو كان معفن ههههههه )
شوف بقى الجديد ..

( خنفسة شافت ولادها ع الحيط .. قالت يا عقد لولى ملضوم ف خيط
)


============

اقتباس :
- طخه وصيبه وقول نصيبه ( يعنى بنعمل العملة وبنقول النصيب هو السبب )

( يقتل القتيل .. ويمشى ف جنازته )
===========
اقتباس :

- جبناك يا عبد المعين تتعين اطلعت يا عبد المعين بدك تنعان ( يعنى طلبنا منك مساعدة لقيناك اصلا محتاج للمساعدة )
نفس المثل عندنا ... الله يعينا جميعا
واضح ان عبد المعين ده .. لف الوطن العربى كله ومفيش فايدة


============

اقتباس :
- انا والغريب على ابن عمه وابن عمه والغريب عليا ( مفهومة هاي )

لاء .. انتوا كده هاتوقعوا الاهل ف بعض ..

احنا بنقولها : ( انا واخويا على ابن عمى .. وانا وابن عمى ع الغريب )
يعنى ( ضلع اقرب من ضلع )


================
اقتباس :

- الطبخة اذا كثره طبخينها بتخرب ( يعنى الشي لو مسكه اكتر من واحد بيخرب .. في اي شي حتى السياسة او الاكل او اي شي )
ياسمينا ردت صح جدا .. مش باقولك : علمناهم الشحاتة

============
اقتباس :

-ارضينا بالبين والبين ما رضي فينا ( يعنى حتى الهم رضينا فيه وصبرنا لكن الهم نفسه ما رضي فينا )
( رضينا بالهم والهم ما رضيش بينا )
=============
اقتباس :

-اجت الحزينة تتفرح قامت ما اقتلهاش مطرح ( يقال لما الغلبان بده يفرح بتيجيه مصيبة جديدة تنكد عليه ههههه )
cry*

( المتعوس متعوس ... ولو علقوا على راسه فانوس )
=========
اقتباس :

-الطول طول النخلة والعقل عقل سخلة ( يعنى تقال للشخص الطويل ومنظره هيبة ..لكن عقله فاضي هههههههه )

يعنى اجسام البغال .. واحلام العصافير

===============
اقتباس :

- شحاد ومشرط ( يعنى فوق ما بيشحت بيعطيك شروط كمان ..يعنى واحد بيشحت منك وبيقولك بدى بالدولار )

بنقولها :( حسنة وانا سيدك ) .. يعنى شحات بيطلب الحسنة ويذلك كمان
============

اقتباس :
يلا ابسطوا هههههههههههه
aa3

حلوة اوى الامثاال دى يا بروف ..
وعملا بالمثل اللى بيقول : ( اطعم الفم .. تستحى العين )

يبقى احلى تقييم يا صاحبى







الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   السبت ديسمبر 04, 2010 2:21 pm

على رأى المثل :

( اجرى يا ابن آدم جرى الوحوش .. غير رزقك لم تحوش )







الرجوع الى أعلى الصفحة اذهب الى الأسفل
الازهريه
أميرة بأخلاقي
أميرة بأخلاقي
avatar

انثى
عدد المساهمات : 2972
العمر : 23
الاوسمة: :

النشاط : 4237
التقييم : 445

مُساهمةموضوع: رد: على رأى المثل ..   السبت ديسمبر 04, 2010 7:39 pm

جميييييييل اوى الموضوع يا ابو سلمى
واكيد مش عملا ابدااااا
بالمثل اللى بيقول
(الجنينه على بابها قرد تغور الجنينه من وش القرد)

وعملا باللى بيقول

(ما يجيبها الا رجالها)

انا دخلت الموضوع هنا لان اكيد طالما لابو سلمى يبقى تماااام

وبما ان ميصحش (اخرج ايد ورا وايد اودام )

و (دخول الحمام مش زى خروجه)

فخد الكام مثل دول

(ماتبكوش على اللى خابت زرعته وابكو على اللى خابت ذريته)

(ماشتمك الا اللى بلغك)

(يوديك البحر ويجيبك عطشان)

(يا نحله ما تقرصينى ولا عاوزه عسلك )

(يا فرعون اييه فرعنك ؟؟ قال ملقتش حد يلمنى )

(هوا بعد حرق الجرن جيره)

(لا تذم ولا تشكر الا بعد سنه وست اشهر)

(لو كان فيه الخير ما كان رماه الطير)

(عشمتنى بالحلق خرمت انا ودانى )

(تيجى مع الهبل دوبل )

(حمارتك العارجه تغنيك عن سؤال اللئيم )

(على اد لحافك مد رجليك)

(اللى سبق اكل النبا)

(ياااما دقت على الراس طبول)

مش حافظه كتير بس معلش

(نص العمى ولا العمى كله )

وبردو (نوايه تسند الزير)
الرجوع الى أعلى الصفحة اذهب الى الأسفل
Dr_aya
Princess
 Princess
avatar

انثى
عدد المساهمات : 17630
العمر : 26
الاوسمة: :

النشاط : 14904
التقييم : 1440

مُساهمةموضوع: رد: على رأى المثل ..   السبت ديسمبر 04, 2010 9:28 pm

يا نهار ابيض
دة علي كدة بقي انا خيييييييييبة في الامثال
ما اعرفش غير جبنا في سيرة القط جه ينط
وجبتك يا عبد المعين تعينني لقيتك عايز تتعان
علشان بستخدمهم كتير مع زميلاتي
عامة انا هتابع معاكوا اهو اتعلملي حاجة تنفعني لما اجي اضرب حماتي ولا حاجة
مشكور استاذ حسام
دايما مواضيعك مميزة









الرجوع الى أعلى الصفحة اذهب الى الأسفل
طالبة عفو الرحمن
زهرة ندية من فلسطين الحبيبة
زهرة ندية من فلسطين الحبيبة
avatar

انثى
عدد المساهمات : 5925
العمر : 25
الاوسمة: :

النشاط : 7566
التقييم : 850

مُساهمةموضوع: رد: على رأى المثل ..   السبت ديسمبر 04, 2010 9:35 pm

مووووووضوووووعك روووعة ابو سلمي
موضوووعك مميزة كتييييير والله
بارك الله فيك
جزاك الله كل خييييير
الرجوع الى أعلى الصفحة اذهب الى الأسفل
ملاااك
صديق لامع
صديق لامع
avatar

انثى
عدد المساهمات : 7104
العمر : 27
الاوسمة: :
احلى أكلة
النشاط : 9108
التقييم : 838

مُساهمةموضوع: رد: على رأى المثل ..   السبت ديسمبر 04, 2010 9:42 pm

موضوووووعة روووعة اخي حسام
دايما في ابداع
الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الأحد ديسمبر 05, 2010 1:55 am

happy

ازهرية ..

(إللى يسعدها زمانها تجييب بناتها قبل صبيانها )

حلوة المجموعة بتاعتك دى .. ( كانت ف جره وطلعت لبره ) sm33

احلى تقييم للمجموعات الجامدة
============
آية .
.
اقتباس :
يا نهار ابيض
دة علي كدة بقي انا خيييييييييبة في الامثال
عليا انا برضه .. ده ( احنا دفنينه سوا )
الغريبة يا آية .. ان نص كلامنا امثال شعبية واحنا مش واخدين بالنا


اقتباس :
عامة انا هتابع معاكوا اهو اتعلملي حاجة تنفعني لما اجي اضرب حماتي ولا حاجة
ضرورى تتابعى معانا طبعا .. مفيش موضوع مميز من غير مشاركتك
وعلى رأى المثل ..
( ايد لوحدها ما تسقفش )
وبالنسبة لحماتك - بعد الموضوع ده - تقدرى تردحيلها لو حبيتى .. ربنا ما يجيب مشاكل ابدا
وعلى رأى المثل ..
( الطيب احسن )
و ( يا بخت من بات مغلوب ولا باتش غالب )
و ( لاجل الورد ينسقى العليق )
)

شكرا على مشاركتك .. وفى انتظار المزيد
لان
( البحر يحب الزيادة )
==============
سوسو كوووووووول .. احلى ملاك
اشكرك على مروركم طبعا .. بس فين المثل بتاعكم ..!!؟؟
على رأى المثل :

( لو كنتوا اخوات .. اتحاسبوا )
( اتعاملوا معاملة الاخوة .. واتحاسبوا حساب التجار )
مستنى الامثلة بتاعتكم وايدى ع التقييم اهيه









الرجوع الى أعلى الصفحة اذهب الى الأسفل
بنت غزة
صديق لامع
صديق لامع
avatar

انثى
عدد المساهمات : 461
العمر : 26
الاوسمة: :

النشاط : 584
التقييم : 79

مُساهمةموضوع: رد: على رأى المثل ..   الأحد ديسمبر 05, 2010 11:49 am

م. حسام موضوعك رائع جدا .. هو الصراحة انا ما بفهم بالأمثال الشعبية خالص
ما بعرف ليه .. ما بستوعبهم .. تقال عليا حبتين او اكتر شوية ههههههههه
المهم هاد المثل
( اعمل اللى عليك .. والباقى على ربنا )
انا بعرف انو مش لازم يتقال لانو احنا ما بنعمل نص الشغلة و بنخلي ربنا يكملها عنا .. احنا بنتوكل عليه و بس

طبخته على النار وعينه على طبخة الجار
ذكرتني بالمثل اللي بقول ( بطبخوا الطبخة على نار هادية ) للي بتآمرو و بتوشوشو

جبناك يا عبد المعين تتعين اطلعت يا عبد المعين بدك تنعان
سبحان الله دايما بقلولي اياها ههههههههه

الباب اللي يجيك منو ريح سدو و استريح
حاجة للمشاكل كده .. او لما حد يزهق من شغلة مش لاقيلها حل

أديني ضفت شوية امثلة يعني مش تقلي العين بصيرة و اليد بصيرة .. هو ايدي طويلة ههههههه
بحاجات و حاجات مش ع طول يعني هههههههههه
أدينا بنتعلم أصلي خايبة زي ايوتة .. هاي كل اللي اعرفو

تسلم ايدك م. حسام و أنين كمان هو انا اقدر
الرجوع الى أعلى الصفحة اذهب الى الأسفل
طالبة عفو الرحمن
زهرة ندية من فلسطين الحبيبة
زهرة ندية من فلسطين الحبيبة
avatar

انثى
عدد المساهمات : 5925
العمر : 25
الاوسمة: :

النشاط : 7566
التقييم : 850

مُساهمةموضوع: رد: على رأى المثل ..   الأحد ديسمبر 05, 2010 1:17 pm

انا راح اكتب أكثر من مثل شعبي غزاوي
ياربي ينال اعجابكم ياربي


1-اعطي خبزك للخباز ولو بيوكل نصووو
2-الايد الي مابتقدرتبوسها حطها علي راسك بجيك يوم تكسرها
3-المكوب علي الجبين لازم تشوفه العيييين
4-التقي المتعوس علي خايب الرجا
5-الشجرة الي مش مثمرة حلال قطعها
6-الي بيشرب من بير مايرميش فيه حجر
7-الدفا عفا
8-القرد في عين امو غزال
9-الي بيعرف يعرف والي مايعرف يقول كف عدس
10-اداكان حبيبك عسل ماتلحسوش كلووو

ياريت تعجبكم
هدا هو طلبك ولا بدك شي تاني يا ابو سلمي
ياريت تردي وتحكيلي لو عجبوك ولالا
الرجوع الى أعلى الصفحة اذهب الى الأسفل
ياسمينا
عروسة المنتدى
عروسة المنتدى
avatar

انثى
عدد المساهمات : 9052
العمر : 27
الاوسمة: :

النشاط : 9081
التقييم : 829

مُساهمةموضوع: رد: على رأى المثل ..   الأحد ديسمبر 05, 2010 3:01 pm

اقتباس :
يا حسرة
( خيبة الامل .. راكبة جمل )
متها لك قال ع راي المثل (مالقوش عيب فالورد قاللوه يا اجمر الخدين
_ _ _
اقتباس :
تعليمى نفع معاكى اهوه
اه دي صح (اصل العين ماتعلاش ع الحاجب )


_ _ _
اقتباس :
( علمناهم الشحاتة .. سبقونا ع الابواب )
وعلمته نظم القوافي ولما قال قافيه هجاني

_ _ _
اقتباس :
++
اللي يجي منه احسن منه
بهرج طبعاااااااااااا

هريحكم مني شويه هغيب عشان الامتحانات
ادعيلي يا حسام





للهم انى استودعك وطنى وانت الذى لا تضيع ودائعه
,فاحفظه يا ربى ولا تضيعه.
.اللهم إنا علمنا أنه مع العسر يسرا و مع الشدة فرج
و أنك مبدل الأحوال من حال إلى حال ربى إنك ترانا
و تعلم بحالنا فأبدل عسرنا يسرا و أبدل شدتنا بالفرج القريب
. آمين





الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الأحد ديسمبر 05, 2010 6:00 pm

طبعا يا ديانا .. مرورك لوحده كفاية وخصوصا انك مش هاوية امثال شعبية
لكن الجميل ان تعليقك هايفتح زاوية جديدة للموضوع .. وهى زاوية مهمة جدا

مناقشة الامثال الشعبية .. لان بعضها بيناقض بعض الامثلة التانية

كماان بعضها بيخالف بعض التعاليم الدينية ..

وهانتكلم عن نقد بعض الامثال فى الردود الجاية

------------
بالنسبة لاعتراضك على مثل ( اعمل اللى عليك .. والباقى على ربنا )
المثل واضح يا ديانا .. بيقول : اعمل اللى عليك .. ما قال نصه ولا ربعه
اما الباقى اللى هايكمله ربنا : هو النتائج
مثلاا .. الطالب عليه يذاكر .. وربنا عليه النجاح
والطبيب يعالج ويسوى الجراحة .. وربنا عليه الشفاء
يعنى علينا ناخد بالاسباب .. اما النتائج مش بتاعتنا ..

بعض الناس يقولوا : لاء كل حاجة على ربنا حتى مجهودنا واسبابنا ربنا اللى بيوفقنا ليها ..
ودول ارد عليهم واقول : طيب ربنا خلقنا ليه .. ما دام هايعمل كل حاجة
واحنا ما بنعملش حاجة خالص ؟
طيب ليه اعطانا ارادة حرة وخيرنا ؟؟؟ وقاال لنا من شاء فليؤمن ومن شاء فليكفر

احنا لينا مشيئة وارادة حرة يا جماعة .. وبسببها هانتحاسب كلنا يوم القيامة

اعتقد ان غرض المثل ( اعمل اللى عليك .. والباقى على ربنا )
هو حسن التوكل على الله
وانتى قلتيها :
اقتباس :
احنا بنتوكل عليه و بس
وعلشان نتوكل على الله حق توكل .. لازم نعمل اللى علينا ( وناخد بالاسباب )
والا يبقى توااكل ..

متهيألى فكرتى واضحة ... صح ؟

=======================
لك كل التقييم يا بنت غزة .. على المشاركة الجميلة والامثلة الطيبة

خدى مثل حلو وقولى لى رأيك فيه :
( جوه وبره فرشت لك .. وانت مايل ايه يعدلك ؟
)

هو معناه : ( ان الست عملت اللى عليها كله وهو بردو عينه زايغة ومفيش فايدة فيه )







الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الأحد ديسمبر 05, 2010 6:12 pm

ايوة كده يا سوسو .. هى دى المشاركة صح ..

تستاهلى احلى تقييم


اقتباس :
2-الايد الي مابتقدرتبوسها حطها علي راسك بجيك يوم تكسرها
مممممممم .. احنا عندنا بنقول : ( الايد اللى ما تقدرش تقطعها .. بوسها )
============
اقتباس :

ياريت تعجبكم
هدا هو طلبك ولا بدك شي تاني يا ابو سلمي
ياريت تردي وتحكيلي لو عجبوك ولالا
حلوين جدا يا سوسو .. تسلم افكارك
انا بدى سلامتك طبعا .. بس لو لاقيتى امثال تانى فى طريقك ..
تعالى ونزليها هنا
==============
( عشمنى بالحلق .. خرمت انا ودانى )







الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: على رأى المثل ..   الأحد ديسمبر 05, 2010 6:28 pm

happy
اقتباس :
(مالقوش عيب فالورد قاللوه يا اجمر الخدين )

( ده قصر ديل يا ازعر .. ) sm 174

===============

اقتباس :
اه دي صح (اصل العين ماتعلاش ع الحاجب )
sm34

صح كلامك .. بس انا العين وانتوا الحاجب

===========
اقتباس :
اللي يجي منه احسن منه

( زى القطط .. تاكل وتنكر )

اقتباس :
بهرج طبعاااااااااااا
هريحكم مني شويه هغيب عشان الامتحانات
ادعيلي يا حسام
ربنا معاكى يا رحاب ويوفقك .. كان املى تكملى انتى الموضوع ده مكانى

انا اصلى ( من بره هالله هالله .. ومن جوه يعلم الله )

ربنا معانا جميعا

شكرا ياسمينا ..
وكمان اتنين احسن منى اهم : ++


t







الرجوع الى أعلى الصفحة اذهب الى الأسفل
طالبة عفو الرحمن
زهرة ندية من فلسطين الحبيبة
زهرة ندية من فلسطين الحبيبة
avatar

انثى
عدد المساهمات : 5925
العمر : 25
الاوسمة: :

النشاط : 7566
التقييم : 850

مُساهمةموضوع: رد: على رأى المثل ..   الأحد ديسمبر 05, 2010 6:55 pm

ماشي ولايهمك يا ابوسلمي وعلشان خاطرسلمي كمان
1-اللي بدلل علي بضاعته بتبوور
2-الي بقدم السبت بلاقي الاحد
3-اتغدي فيه قبل ما يتعشي فيك
4-اناغنية وبحب الهدية
5-الديك الفصيح من البيضة بصيح
6-ابعد عن الشر واغنيلو
7-اربط القرد مطرح مابقولك صاحبه
8-الي بيوخذ غزاوية بنام نومة هنية والي بيوخد يافاوية يصاب ببلية
9-اللي مالو بخث لايتعب ولايشقي
10-اللي في بطنه عظام يحسس عليها



شو رايك يا ابوسلمي في امثالي وهيني جبتلك امثال يا اخي
بدك شي تاني مني
اطلب عادي اناحاضرة والله
الرجوع الى أعلى الصفحة اذهب الى الأسفل
 
على رأى المثل ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
احلى اصحاب :: المنتدى العــــــــــــام  ::  عـــــــــــــــام -
انتقل الى: