احلى اصحاب
منتدى احلى اصحاب
الاخوة الصادقة
اخوه فى الله - ممزوجة بالايمان
ندعوك للتسجيل معنا فى المنتدى واضافة لمستك الجميلة فية



 
الرئيسيةمكتبة الصورالتسجيلالأعضاءدخولبحـثس .و .جالمجموعات

شاطر | 
 

 القائمة السوداء لأعداء الثورة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: القائمة السوداء لأعداء الثورة   الإثنين فبراير 14, 2011 2:52 am



القائمة السوداء لفنانى ومشاهير مصر المنافقين الذين وقفوا ضد ثورة 25 يناير وهم :-

من الكتاب ومقدمى البرامج والسياسين :-

1- أسامة سرايا

2- عبد الله كمال

3- مجدي الدقاق

4- تامر أمين

5- خيري رمضان

6- ممتاز القط

7- سيد علي "منافق كبير واختلق حوار البنت اللي اتدربت على ايد الموساد"

8- هناء السمري " من شاكلة سيد على "

9- معتز الدمرداش

10- مرتضى منصور واللى ركب الموجة فى الأول وبعد ذلك وصف متظاهرى التحرير بالرعاع

11- مبروك عطية

وتضم القائمة كافة مذيعي القنوات الأرضية والفضائية المملوكة للنظام ولا يصح تسميتها بالقومية لأنها لا تعبر بأي حال من الأحوال عن الشعب المصري حسبما يقول شعار المتظاهرين "الكذب حصري على التليفزيون المصري"



ثانياً: الفنانين:-

1- إلهام شاهين

2- نبيلة عبيد

3- وفاء عامر

4- زينة

5- حكيم

6- فريدة سيف النصر

7- أحمد السقا

8- محمد عطية -ستار أكاديمي

9- حسن يوسف

10- غادة عبد الرازق "بتاعة الهانص في الدانص"

11- شمس البارودي

12 - أشرف زكي "مساعد وزير الإعلام والذي دعا لتظاهرة تأييد مبارك والتي كانت سبب في موقعة الجمل"

13- صابرين

14 – أحمد عز "اللي خايف على 365 يوم"

15 - عمرو مصطفى والذى وصف المتظاهرين ضد النظام بالكلاب

16 - تامر حسنى والذى أعلن أنه سينزل ميدان التحرير من أجل مطالبة الشباب بالرحيل

17- سماح انور " قالت لو فضل الشباب دول في التحرير يبقى نولع فيهم ونحرقهم " بالحرف الواحد

18- طلعت زكريا " بيقول على شباب التحرير قلة حقيرة"

19- عادل امام " المتقلب المنافق "

20- عمرو دياب

ثالثاً : الرياضين

1- حسن شحاتة

2- كريم شحاتة

3- حسام حسن

4- إبراهيم حسن

5- أحمد حسام – ميدو

6- وائل جمعة

7- احمد حسن

8- مجدي عبد الغني

9- مدحت شلبي " منااااااااااااااااااااااااافق"

وطبعاً كلهم كانوا واقفين ضد ثورة الشباب ضد النظام لأن هذا النظام هو الذى جعل أشباه الممثلين والفنانين الهابطين وهؤلاء الأعلامين من صفوة المجمتع وفى المقابل فأن المحترمين من هذا الشعب لم يكن لهم قيمة ولا صوت...

وياريت لو حد يعرف حد تاني يضيفه





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
Niera
تلقــــــائية الكلمــــات تلقــــــائية الكلمــــات
avatar

انثى
عدد المساهمات : 4260
العمر : 27
الاوسمة: :

النشاط : 5569
التقييم : 889

مُساهمةموضوع: رد: القائمة السوداء لأعداء الثورة   الإثنين فبراير 14, 2011 2:48 pm

ماشاء الله عليك يا بيبو
انت بتتكلم على العالم اللى عايشة فى رفاهية
وعربيات وفلل وبدل الحساب فى البنك اتنيين وتلاتة وعشرين الف
دى عالم كلها خايفة على مصالحها الفنية والرياضية واللى اتعطلت بسبب ثورة الشباب
فأكيد كل حد من دول لازم يكون عدو للثورة لان الشباب عطلوه كام يوم عن كسب اموال طائلة
وعلى الرغم من ان انا كنت واحدة من الناس اللى كنت شايفة بقاء مبارك الكام شهر الباقيين وكان عندى احساس ان الشباب دول مش هيقدروا يعملوا حاجة
وان الحكم الطاغى هيقضى عليهم لا محالة
بس الايام والاحداث اثبتتلى ان الشباب المصرى اقدر وبيحب بلده بجد

شكرااااااا بيبو على القائمة السوداء اللى ياريت تختفى بقى من حياتنا لانهم اساس الفساد
الرجوع الى أعلى الصفحة اذهب الى الأسفل
منة الله الازهريه
بــراءة عقــــــل
 بــراءة عقــــــل
avatar

انثى
عدد المساهمات : 2362
العمر : 23
الاوسمة: :

النشاط : 2894
التقييم : 430

مُساهمةموضوع: رد: القائمة السوداء لأعداء الثورة   الإثنين فبراير 14, 2011 2:56 pm

مجهود رائع بيبو .... بس يا ريت ماتنساش ان بردو فى ناس أيدت الثورة مش حبا فى الشعب و اللى عملوه بل بالعكس هما عملوا كده بس من أجل الشهرة لا غير
مشكور بيبو على اهتمامك الشديد بالثورة و شبابها
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   الإثنين فبراير 14, 2011 8:48 pm

معاكي حق يا نيرة
الناس دي كل واحد منهم كان عاوز مصلحته وبس
وكانوا متعطلين علشان كل واحد عايز فلوس وبس
واتعودوا على انهم ياخدوا فلوس ويهيفوا ويتفهوا
في عقول الناس علشان كده كانوا ضد الثورة على طول الخط
والحمد لله الثورة دي عرفتنا مين المنافق من المحترم ..
والثورة دي سبب نجاحها هو ربنا عز وجل
وربنا يتمم الموضوع على خير ان شاء الله ...
شرفتيني كتير بمرورك وتعليقك ..
---------------------
منـــــــــة
اكيد في ناس كانوا طالعين علشان مصلحتهم ويكسبوا الناس
وناس اعتزلت خالص لحد ما تعرف الدنيا هتمشي ازاي
المهم عندنا اللي طلع قدامنا وايداو اعترض مالناش دعوة
بالنيات حسابهم عند ربنا ..
تسلمي على مرورك





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
ياسمينا
عروسة المنتدى
عروسة المنتدى
avatar

انثى
عدد المساهمات : 9052
العمر : 27
الاوسمة: :

النشاط : 9081
التقييم : 829

مُساهمةموضوع: رد: القائمة السوداء لأعداء الثورة   الثلاثاء فبراير 15, 2011 12:56 pm

بيبو منين جدبت القايمه دي ؟؟؟؟؟؟؟؟
انت متاكد منها ؟؟؟؟؟؟؟؟؟؟
احب اقولك بقي :_
احمد السقا
مكتشي ضد الثورة انا شوفت لقاءه مع عمرو اديب واقر
باهميه الثورة وقال انه ممكن يكون هو الوسيط بين الشباب دول
والمسؤلين وايد وائل غنيم انه يكون مسؤل عن الشباب دول
وقال كمان ان نفس الشباب دول اللي حموه وحموا بيته وبيت امه
وممكن اقولك كل الحوار
وتاني يوم سمعت مكالمه تليفونه منه لبرنامج صبايا
وقال نفس الكلام وانا معاه في كل كلامه
_ _ _
الهام شاهين
مكنتشي معترضه عالثور ة اللي فهمته انها كانت معترضه ع البرادعي
وبصراحه معاها حق مين البرادعي ده
مش بقولك مين عشان تعرفهولي لا انا عارفاه بقولك مين عشان اقلل م قيمته
_ _ _
خيري رمضان
انا مش متابعاه او ي بس شوفته له لقاء مع احد الشباب
دول واعتقد اانه مش اعلامي كويس فيمكن ده اللي
خلالك تقول انه ضد الثورة
_ _ _ _
فسؤالي ليك جبت ازاي القايمه دي





للهم انى استودعك وطنى وانت الذى لا تضيع ودائعه
,فاحفظه يا ربى ولا تضيعه.
.اللهم إنا علمنا أنه مع العسر يسرا و مع الشدة فرج
و أنك مبدل الأحوال من حال إلى حال ربى إنك ترانا
و تعلم بحالنا فأبدل عسرنا يسرا و أبدل شدتنا بالفرج القريب
. آمين







عدل سابقا من قبل ياسمينا في الثلاثاء فبراير 15, 2011 4:19 pm عدل 1 مرات
الرجوع الى أعلى الصفحة اذهب الى الأسفل
ياسمينا
عروسة المنتدى
عروسة المنتدى
avatar

انثى
عدد المساهمات : 9052
العمر : 27
الاوسمة: :

النشاط : 9081
التقييم : 829

مُساهمةموضوع: رد: القائمة السوداء لأعداء الثورة   الثلاثاء فبراير 15, 2011 1:07 pm

نسيت اقولك حاجه
كل الاعلاميين اللي ذكرتهم دول مكنوش ضد الثورة دول
مجرد بيعرضوا الاراء كلها ولا ضد ولا مع .....وان كانوا ضد الار هاب
والبلطجه فمش م حقك انك تقول انهم ضد ...مش كدا ولا ايه ؟؟؟؟؟؟
ومن حقهم يعترضوا ع البلطجه والعنف ( انا معاهم جدا )
تامر حسني فالا ول كان قلقان وشبه مش عارف يحدد وبعدين استقر
ع انه ينزل للشباب ع اساس انه بيحبوه وهيقتنعوا بكلامه ويقولهم ان مطالبهم
هتتحقق ويضمن لهم ده كان في المقابل انه انضرب واتهان

وع فكرا مصر مش هتنفع نفسها لو مافيش اخلاق
منين حفلات تامر كانت ع اخرها ومنين لما نزل انضرب انا مش معاه
انا اصلا مش بحبه بس طلاما اتهمت الناس دي بالنفاق انا بقي بتهمهم
بالنفاق بردو وده شفناه مع تامر في حفلاته وتامر في المظاهرات

معلشي طولت عليك
بيبو اختلاف الرأي ايه ؟؟؟؟؟؟؟؟؟؟؟؟





للهم انى استودعك وطنى وانت الذى لا تضيع ودائعه
,فاحفظه يا ربى ولا تضيعه.
.اللهم إنا علمنا أنه مع العسر يسرا و مع الشدة فرج
و أنك مبدل الأحوال من حال إلى حال ربى إنك ترانا
و تعلم بحالنا فأبدل عسرنا يسرا و أبدل شدتنا بالفرج القريب
. آمين





الرجوع الى أعلى الصفحة اذهب الى الأسفل
Dr_aya
Princess
 Princess
avatar

انثى
عدد المساهمات : 17630
العمر : 26
الاوسمة: :

النشاط : 14904
التقييم : 1440

مُساهمةموضوع: رد: القائمة السوداء لأعداء الثورة   الثلاثاء فبراير 15, 2011 2:08 pm

السلام عليكم
الموضوع عنوانه لفت نظري جدا وبصيت فيه اترددت قبل ما ارد بس لقيت اني أبريء ذمتي في توضيح بعض النقاط
وزي ما قالت ياسمينا اختلاف الرأي لا يفسد للود قضية
بعض الشخصيات انا مش هتناولها خالص اما لاني اجهلها او إني ما شفتش رأيها ولا موقفها بصراحة
بالنسبة لخيري رمضان وتامر و اي حد من التليفزيون المصري فموقفهم كان واضح ومش هتكلم عليه وبعدين هما من قبل الثورة اساسا ما لهمش اي قبول جماهيري مهما عملوا
بالنسبة لسيد علي وهناء سمري فيبدو انك في غمرة انشغالك بالمظاهرات لم تشاهدهم يا بيبو بصراحة انا مش شايفة اي وجه ادانة للشخصين دول اولا قناة المحور (في وجهة نظري ) من قبل الثورة من القنوات المحترمة جدا جدا واللي مش بتستخف بعقول الناس برنامج 48 ساعة بالذات من البرامج اللي لها نسبة مشاهدة عالية وكانوا بيناقشوا مواضيع غاية في الحساسية
بالنسبة لسيد وهناء فمن بداية الثورة والكل لاحظ تفاعلهم الشديد وانفعالاتهم واللي ظهرت بشكل واضح وجلي علي الشاشة وبكوا اكتر من مرة من شدة التأثر خاصة لما كانوا بيستضيفوا شيخ او داعية بالنسبة للبنت اللي هما استضافوها فأعتقد انهم مش بالغباء اللي يخليهم يقنعوها بحاجة زي دي ويحفظوها كلام وكدة خاصة ان البنت دي اسمها اتكشف بعد كدة ما طلعتش هي ليه علي قناة تليفزيونية وبرات نفسها؟؟
معظم الناس ما صدقتش اللي البنت دي قالته _مع انه مش صعب انه يحصل _ ومع ذلك انا شفت معد البرنامج اللي برر استضافة البنت دي وكانت مبرراته مقنعة فإحنا ازاي نتهمهم من غي دليل؟؟
صاحب القناة موقفه واضح من بداية الثورة هو كان بيقر بالفساد اللي حاصل لكن في نفس الوقت كان يري ان شخص الرئيس مبارك جدير بالاحترام ودة رأيه الشخصي ويحترم كل واحد له نظرية واللي زود احترامي للشخصية دي انه استمر علي موقفه حتي بعد تنحي الرئيس ما اعتقدش ان في حد في مصر كان عايز الرئيس يبقي ويكمل وحتي اللي كان عايز ما كانش عنده امل خلاص لكن في ناس كتير كانت شايفة ان الرئيس يكمل فترة الحكم بتاعته ويمشي ما اعتقدش يعني ان الناس دي عملاء دة كان تفكير معظم الناس اللي في البيوت يا محمود
معتز الدمرداش نفس النظام
بالنسبة بقي لمرتضي منصور أنا ما شفتوش وصف الشباب بالرعاع هو كان جل كلامه عن قناة الجزيرة وقطر ورئيسها وكدة وحتي لما طلع في مظاهرات فهو لم يؤيد الرئيس مبارك وانما ايد بقاءه بقية فترة الحكم حتي انتهاء مدته الرئاسية والدليل في وجهة نظري علي كدة انه من الناس اللي تضررت كثيرا في ظل النظام بالنسبة لشوبير فلا تعليق لأنه اساسا من النظام وانا سمعت من ناس هنا في بلدي انه اخد منهم رشاوي علشان يعينهم في شركات رغم انه بعيد كل البعد عن دايرتنا وعن بلدي _والله اعلم طبعا _
وبعدين تاريخ شوبير لا يضعه في مكانه تسمحلنا اننا ننتبه لكلامه اساسا
بالنسبة للفنانين فانا اصلا مش هتكلم عليهم لا المعارضين منهم ولا حتي المؤيدين ازاي ناس بتدخل كل يوم الفساد للبيت المصري ومشوهين سمعتنا في بلاد الله وجايين يحاربوا الفساد؟؟؟ حاجة تغيظ بجد
ما ينفعش في وجهة نظري اننا نتهم اي حد كان بيدعو للأستقرار انه عميل او منافق او يتحط في قايمة سودا لان في ناس كتير من الناس البسيطة كانت تدعو لذلك لان ببساطة الامن والهدوء النفسي والاستقرار كان عندها اولوية في ناس كتير مننا اتعودوا انهم ما يبصوش لمسافة بعيدة ودي حاجة ما ينفش نلوم الناس عليها
مثال بسيط قناة العربية كانت عملت استضافة لأسرة مصرية بسيطة في غضون الثورة وخدت اراء كل افراد الاسرة في الوضع الراهن كل الناس تقريبا في الاسرة دي كانوا معترضين علي اللي بيحصل ما عدا شاب في هذه الاسرة حتي كان في ست كبيرة في السن اتكلمت وهاجمت بشدة الشباب اللي في الميدان هل نعتبر الست دي علي بساطتها انها عميلة وخاينة ومع النظام
اصلا كان في حاجات بتحصل من الشباب دول تستفز الناس ابسط حاجة كان في ناس كتير مهمومة وحزين خايفة وقلقانة ,والناس كانت مرعوبة وواقفين علي بيوتهم بمطاوي ومشيلين عيالهم سكاكين وناس كتير اجلت افراحها ومناسباتها وتطلع تلاقي في وسط كل دة اتنين عاملين كتب كتاب في الميدان واتنين عاملين فرح وواحدة جاية من الشرقية للقاهرة في الميدان علشان تعمل عيد ميلاد طيب ما هو كل دة يستفز الناس
اعتقد ان احنا في مرحلة دلوقت ابعد من اننا نتهم بعض او نشكك في نوايا بعض من غير ادلة وبراهين الاهم اننا نصفي نفوسنا من جوة علشان نعرف نبتدي حياة جديدة انا خايفة ان الحماس اللي قلوب الشباب دة يضيع لازم نبتدي نتعود علي اننا نعيش بنضافة
اسفة للإطالة









الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   الثلاثاء فبراير 15, 2011 6:53 pm

كلام جميل جداااا من ياسمينـــــــا واية
واعتراضات على بعض الاسماء اللي ادرجتها في القايمة
اولا للتوضيح فقط انا ادرجت الاسماء دي بناء على مشاهدات
فعلية ليا اثناء الثورة وحاجات هما عملوها
والحاجة التانية فيديوهات انا شفتها بنفسي هنا ع النت
وباذن الله هجمعهم واقدمهم هدية ليكم علشان تعرفوا
ان الناس دي فعلا منافقة لابعد الحدود وانا عمري ما هرمي حد
بالباطل يا دكتورة اية او من غير دليل لان ده مش طبعي
ومش منطقي ابدا اني اكرر كلام حد او اخد رايي او وجهة نظر
من حد ولازم اتحقق بنفسي علشان كده انا قلت الكلام ده
وباذن الله هثبته ليكم ...
وبعدين يا دكتورة ايه انا ما بتكلم عن الامهات والاخوات اللي في البيوت
اللي اختلفوا مع الثورة دول على راسي من فوق ودي وجهات
نظر والحمد لله اغلبهم اقتنعوا بعد ما اطيح بحسني مبارك
واكيد انتي كنتي مختلفة معايا وناس كتير هنا في المنتدى
وعمري ما خونت حد او اعترضت على حد وقللت منه
انما انا هنا بتكلم على اعلاميين ادباء مثقفين المفروض بيوصلوا
وبيسمعهم ناس كتير يعني لما يقولوا حاجة غلط بيضللوا الراي العام
علشان كده لازم اذكر اسمائهم علشان نحترس منهم ونعرف
مين اللي منافق ومين اللي منهجه صح ..
يعني مثلا الناس دي لو فضلت على رايها بحب النظام وحسني
وخلافه كنت هحترم وجهة نظرهم انما اختلاف الراي بن يوم وليلة
هو ما يعد نفاقا غير مقبول ..
كده ده رد مبدئي وباذن الله تفصيل التفصيل لهوؤلاء المنافقين
ساثبته قريبا جدااا بالادلة والفيديو ....
والافراح اللي كانت في الميدان كانت للنظام حتى
يعرف ان الشباب باقون ولن يياسوا ابدا والحمد لله نجحت ....





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   الثلاثاء فبراير 15, 2011 7:08 pm

معلش في نقطة كمان عاوز اوضحها لياسمينا
الناس اللي ذكرتها دي كلها كانوا بيقولوا بالحرف الواحد
في اغلب كلامهم انهم عايزين الريس حسني مبارك يفضل
في مكانه علشان هو قائد الضربة والرئيس ولازم نحترمه ومش
عارف ايه وابونا وعمنا واللي حامينا وخلاف ذلك
وده اللي خلاني اقول انهم ضد الثورة / اي حد كان بيقول
انا خايف بس انا مع الشباب انا ما ذكرتوش الناس دي كلها
عيطت على باباهم حسني وقالوا هو وما فيش غيره
علشان كده لما ييجوا بعدها ويقولوا عليه فساد يبقى دول
منافقين بالتلاتة .......





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
Dr_aya
Princess
 Princess
avatar

انثى
عدد المساهمات : 17630
العمر : 26
الاوسمة: :

النشاط : 14904
التقييم : 1440

مُساهمةموضوع: رد: القائمة السوداء لأعداء الثورة   الثلاثاء فبراير 15, 2011 10:22 pm

اولا دة ماكانش قصدي يا محمود

وان وصلك كدة فجايز يكون خطا مني أو سوء تعبير انا بعتذر عليه

بس انا متابعة برنامج 48 ساعة من بداية التظاهرات وما شفتهمش

بجد نافقوا ولا غيروا وجهة نظرهم انا صحيح شفت ناس كتير كانت

بتهدي الجو ودة مش عيب زي مثلا مصطفي بكري ودة معروف عنه انه

انسان محترم

غير اني شايفة ان الناس الي بتقول دة ابونا والضربة الجوية وما الي ذلك مش غلطانين برضه دي وجهة نظرهم

في ناس بتغفر وتنسي وناس لا

احنا درسنا حتي في طب ان درجة استقبال الناس للضرر بتختلف من شخص للتاني

انت عارف مثلا شخصية زي جمال مبارك ولا احمد عز

ما فيش اختلاف عليهم

الناس شايلين منهم وحاسين ناحيتهم بكره وعداوة وخصومة غير عادية

انما مبارك فهتلاقي ناس بتايده وناس مجرد انه صعبان عليها وناس مش طايقاه

الاختلاف دة حول شخصيته بيدل علي ان الراجل دة مش كل حاجة عملها كانت وحشة

يعني لو رجعنا كدة بالزمن من اول ما مسك الحكم

هل ما فيش حاجة عملها خالص حلوة للبلد

اكيد طبعا عمل بحسن نية بقي او لا

حتة انه حارب او لا دي مش القضية

طيب ما انا والدي حارب وقعد في الجيش من النكسة لحرب اكتوبر

وناس كتير زيه

بس زي ما قلتلك الناس بتختلف في درجة تقديرها للأمور

مثال النائب طلعت السادات ولو اني مش بستظرفه قوي بس يقال انه انسان كويس واعتقل قبل كدة وكان له خلافات مع احمد عز

ومع ذلك فأنا سمعته في اكتر من قناة بيقول انه ما ينفعش اننا نهين الريس

وحكي موقف انه السادات قبل الحرب اجتمع بقادة الجيش

وشاورهم في امر الحرب وان الرئيس هو الوحيد اللي وافقه

وحتي وقتها قال انا بيتي في المنوفية يرحب بالرئيس في اي وقت

ومع ذلك بعد تنحي الرئيس ظهر علي اكثر من قناة وعدد عيوب النظام وبان اكثر شراسة

هل معني كدة انه منافق ويضاف للقائمة السوداء للثورة

ومع ذلك فأنا في انتظار الفيديوهات









الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   الأربعاء فبراير 16, 2011 2:51 am

ياسمينــــــــــــــا
احمد السقا يا ياسمينــــــــا هاجم الشباب بشدة وكان بيقول انا هرجع علشان اقنعهم انهم يرجعوا لبيوتهم علشان كده لما نزل الميدان اتخنقوا منه وزعلوا من موقفه وبعد كده طلع مع عمرو اديب زي ما شفتي وقال مش كان
قصدي انا معاهم انا بايدهم وكلام من ده .. زي تامر بالظبط ...

الهام شاهيـــــن للاسف الفيديو في تحته على اليوتيوب كلام مش كويس خالص
وكمان في فيديوهات جنبه مش كويسة علشان كده مش هقدر اعرضه هنا حرصا على حياء اخواتنا ....

وبعدين يا ياسمينــــا انا دلوقتي مش جاي علشان اقول اللي بيسمعه واللي بيضربه انا جاي ارصد
مواقف متغيرة فقط لا غير ......
معلش ياسمينا انا كنت عاوز اجيب فيديوهات لكلامهم بس مش ينفع خالص علشان دول مش
محترمين ومرتبطين بحاجات مش محترمة ما ينفع تتعرض على حضراتكم هنا ....






يمكنك التواصل مع ادارة المنتدى عبر
contact@dalem.net


عدل سابقا من قبل beebooo2008 في الأربعاء فبراير 16, 2011 2:56 am عدل 1 مرات
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   الأربعاء فبراير 16, 2011 2:56 am

ردي على الدكتورة اية والاسماء اللي ذكرت انهم شرفاء ..

بالنسبة لسيد وهناء وبصراحة يا دكتورة انا اخر حاجة كنت اتوقعها انك تدافعي عنهم وتقولي شرفاء
ومش عارف يا دكتورة اية انتي كنتي بتشوفيهم ازاي وهما بيقفلوا في الكلام على الشباب اللي بيكلموهم
عن الثورة واللي عاوزينه ويقولولهم عيب وما ينفعش ويقفلوا في وشهم وكمان يستضيفوا مصطفى الفقي
اللي فضل يطبل لحسني مبارك ويا سلام عليه وهو بيتكلم على عمه جمال مبارك وبيقول دول محترمين
جدا وناس افاضل وشاب طيب وذكي ومتعلم وفاهم وتعليمه عالي كل ده مش نفاق ......؟؟
للاسف في حاجات كتير اوي شفتها عالتلفزيون بنفسي وعمال ادور عليها ع النت مش لاقيها
لو اعرف ان في حد ممكن يخالفني ان سيد وهناء منافقين كنت سجلتهم والله ......
بصراحة كفاية عليهم اوي فضيحة البنت اللي اتدربت على ايد الموساد ولا دي كمان صح ...؟؟؟
وبعدين سيد بيقول انا عيلتي كانت في التحرير وهناء تقول بنتي كانت هناك طيب يا استاذ سيد
ويا استاذة هناء اولادكم ما قالولكمش ان الميدان حلو واللي فيه ناس حلوين ولا اولادكم اجندات وموساد ..؟؟؟؟

وياريت لو حد كان سجل حلقة سيد علي مع اسماء البنت المنظمة ليوم الغضب يشوف طريقته وهو بيتكلم معاها .
هناء سمري مراسلة التليفزيون المصري من الرئاسة وسيد علي صحفي جريدة الاهرام اللي على راسها اسامة سرايا واللي بيحضروا هما الاتنين مؤتمؤات الحزب الوطني ولما الفقي كان بيقولها انتي كنتي معانا يا هناء
في المؤتمر وشفتي البرنامج والبرامج بتاعتنا .. حاولت تنكر انها حضرت علشان حياديتها الا انها لم تقدر ..

عموما دي بعض الفيديوهات ونبذة بسيطة عنهم مع المصادر

معظم الناس ما صدقتش اللي البنت دي قالته _مع انه مش صعب انه يحصل _ ومع ذلك انا شفت معد البرنامج اللي برر استضافة البنت دي وكانت مبرراته مقنعة فإحنا ازاي نتهمهم من غي دليل؟؟

http://www.shorouknews.com/ContentData.aspx?ID=386070

http://egyoffline.blogspot.com/2011/02/48.html

احمد عيد الممثل كان في ميدان التحرير منذ بداية الثورة وانظري ماذا قال عنهم
http://www.youtube.com/watch?v=KCXPiChu5UA

بلال فضل يفضح البنت التي قالت انها تدربت على يد الموساد
http://www.youtube.com/watch?v=wxIFHu0pK1Q&feature=related

شوفوا مرتضى وهو بيبجل حسني وهما بيايدوه اممم .. اممم .. ايه رايكم ؟
بالذمة دي حيادية .. كل همهم انهم يشوهوا وخلاص الجزيرة ..
http://www.youtube.com/watch?v=5olsQjs0RtA&feature=related

لكن في ناس كتير كانت شايفة ان الرئيس يكمل فترة الحكم بتاعته ويمشي ما اعتقدش يعني ان الناس دي عملاء دة كان تفكير معظم الناس اللي في البيوت يا محمود

اعتقد وضحت يا دكتورة النقطة دي في ردي اللي فوق ...

ومرتضى باشا منصور هنا اتفضلي شوفي بيقول ايه … وكمية الشتايم والتحريض على ضرب المتظاهرين..
http://www.youtube.com/watch?v=pRizoqwJIp4&feature=player_embedded

في نقطة بسيطة التليفزيون المصري يوم التنحي نقل هو والجزيرة من عدسة واحدة .....؟؟ ايه رايكم ..؟؟

اما بالنسبة لباباهم حسني دي مش وجهة نظر يا دكتورة عايزاوضحلك حاجة انتي او انا اوي حد
معانا هنا في المنتدى ممكن حد يشوفني كويس وحد تاني يشوفني وحش ممكن حد يشوفك طيبة
والتاني يشوفك عكس ذلك دي نسميها وجهة نظر ليه لاننا ناس يحكم علينا اللي حوالينا ولسنا شخصيات
تقود امة او شعب او دولة ولذلك الرئيس اللي ظلم شعبه وبهدله وطلع عينيه وخلانا ما لناش كرامة في
اي حتة في الدنيا ما ينفعش نقول ابونا الريس اللي خلانا رعايا في كل حتة وبناخد معونات من برة
مع اننا لو ما بعنا الغاز لليهود بتلت التمن كنا هنوفر المعونة الامريكية وضعفها كمان ومش كنا
احتجنا لحد ولا اتريق علينا الاشقاء العرب اننا شحاتين ما ينفعش نقول ابونا الريس لانه جوعنا وخلى
الشعب يلم بقايا الاكل من الزبالة وياكلها علشان ما يموتش ما ينفعش نقول ابونا الريس صاحب الضربة
الجوية لما يسجن رئيس اركان القوات المسلحة في حرب 73 اللواء سعد الدين الشاذلي اللي كان
قائد عليه وبياتمر بامره ييجي يسجنه لاختلافه معاه اللي توفي الله يرحمه قبل تنحيه بيومين وكان نفسي
يعيش علشان يشوفه مذلول وربنا انتقمله ونقول لازم نكرمه ....؟؟؟
سيادة الريس اللي خلى البلد حكومة رجال اعمال حرامية ينهبونا وبسرقونا ويقضوا ع الزراعة والصناعة
ويقتلوا كل ما هو مفيد حتى لا تنهض البلد وتسرق ابونا الريس اللي ثروته طلعت 70 مليار
وكان في ال 18 يوم بيحولهم لدهب وبيتصرف فيهم علشان ما يتجمدوش ابونا الريس اللي بهدل الناس
المتدينة في المعتقلات ورماهم سنين وفي الاخر طلعهم مجانين ابونا الريس اللي اول ما طلع في اول
خطاب ليه قال انا هحارب الفساد والطبقة الفقيرة في عنيا ومش هشيل نظري عنهم ولحد دلوقتي
كنا مستنيينه علشان ينفذ اللي وعد بيه ابونا الريس اللي قتل اخواتنا في الميدان ....
وتقولولي عمل حاجات حلوة ... ونحترمه وقائد الضربة الجوية
يا دكتورة اية الناس اللي منتفعة وفرحانة بيه هما اللي كانوا بس بيقولوا عايزينه علشان مصلحتهم
دول مش بيبصوا على مصلحة الشعب ولا هما من الشعب اصلا علشان كده ما ينفع نقول
دي وجهة نظرهم دي مش وجهة نظر ده ضيق عين بيشوفوا اللي هما عايزنيه وبس وما يشافوش
مصايبه ليه علشان ما يهمهش المهم الامن والامان والبطيخ ..
يا دكتورة اية الانسان ده لو كان انسان اقسم بالله اقل شئ يعدموه في ميدان عام ....
وجهة النظر في شخصية الانسان مش في اللي عمله في بلده وطبعا اللي عمله لا يختلف عليه اثنين
يا اختي ايه اقراي خطابه الاول شوفي كان بيقول ايه وشوفي سياساته بعدها
يا اختي ايه شوفي حوار سعد الدين الشاذلي واعرفي قال ايه
يا اختي ايه شوفي البلاوي السودة اللي كانت في البلد قبل ما تقوليلي عمل حاجات حلوة
يا اختي ايه شوفي كمال الجنزوري واللي قاله مع منى الشاذلي
يا اختي ايه شوفي دكتور زويل لما مشاريعه للتنمية اللي كان عارضها في مصر اترمت في الدرج
يا دكتورة ايه بصي على مشاريع دكتور فاروق الباز وانتي تعرفي حصلنا ايه
يا اختي بالله عليكي اذا كنتي لا تدري فاقراي اولا حتى لا تقولي ما لا تعلمي ...
يا اختي ايه بتقولي درجة استقبال الناس للضرر بتختلف
طيب اللي ما استقبلش ضرر يسكت بقى ما يقولش بحبه يقف ساكت لحد ما يشوف الناس
اللي استقبلت ضرر وطلع عينها في البلد كلها وبرة البلد وبعدين يتكلم انما علشان في شوية
منتفعين مؤيدين نقول خلاص ده شخص في ناس بتبه وفي مش بيحبه وكان اللي مش بيحبه
ده مش بيحبه علشان هو مش ظريف او علشان مش لطيف
اللي مش بيحبوا ده مش بيحبوا لانه دمر البلد وسرقها وبهدلنا وبهدل كرامتنا وذلنا ..
عرفتي يا دكتورة الفرق بين وجهة النظر والاجماع على ان الشخص ده سرق البلد ومرمطنا
يا دكتورة ده سيدنا عمر كان بيقول «والله لو أن ناقة عثرت في العراق لسألني الله عنها» .
دي ناقة شوفي بقى كام بني ادم اتقتل بسببه واتعذب واتهان ...
لم اكن اتصور اني ساشرح لاحد عن ذلات حسني ..
.د.






يمكنك التواصل مع ادارة المنتدى عبر
contact@dalem.net


عدل سابقا من قبل beebooo2008 في الأربعاء فبراير 16, 2011 3:31 am عدل 1 مرات
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   الأربعاء فبراير 16, 2011 3:01 am

اه تماااام يا انيـــــــن
عمرو اديب شفته قبل وبعد ......؟
سبحان الله زي اللي بيخلع جلده يا اخي ..
الناس دي مش عارف بيكون مالهم
خايفين اقعدوا في بيوتكم او خليكوا حيادين انما تمدحوا
وبعدين تنافقوا ..؟؟ طيب ازاي ..
ربنا يعافينا وعايز يعمل بطل من ابطال الثورة ..
تسلملي حبيبي على مرورك





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
بلسم الجرآح
قلب ينبض بحب فلسطينقلب ينبض بحب فلسطين
avatar

ذكر
عدد المساهمات : 1229
العمر : 27
الاوسمة: :

النشاط : 2419
التقييم : 408

مُساهمةموضوع: رد: القائمة السوداء لأعداء الثورة   الخميس فبراير 17, 2011 12:56 pm

أقول لهؤلاء ........


مبارك اسحب نظامك ورا الأكوام

قسم بالله مصر ماا اضل فيها

عمر سليمان القرد عايش بأهوام ..ومصر النا وبالرووووح نفديهاا

ابن صهيون سكنك فيها حراااااااام واللى بيسكن يندفن فيها

مبارك ينهزم كما الأنعااام وميدان التحرير الأسد يفترس فيهاااا

......................

يا مصر افرحى وارفعى الأعلااااام رايات النصر فى السماااا عليها

واكتب تاريخك يا شعب وشهد الايام مصر البطولة قهرت أعاديها

واللى يريد العز والتحرير جند ميدان التحرير يلتحق فيهااا


............................................................



استمتع بهذا الموال الرااااااائع

يجسد واقعا حقيقيا لكلامى المكتوب


اهدااااااااااء لثورة مصر العروبة واهداااء لشهدائها الأبطال



________ __________.mp3 - 2.11MB
الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   السبت فبراير 19, 2011 2:44 am

جميييل يا ابراهيم
تسلم ايدك حبيبي
-------------
لا اله الا الله
كلام خطير جدااااا
طبعا من واحد بجد اقل ما يقال عنه انه عبيط
وده انا عارفه عن كويس وهو اكيد مش فاهم هو بيقول ايه
ربنا يعافينا ياااارب ...





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
طالبة عفو الرحمن
زهرة ندية من فلسطين الحبيبة
زهرة ندية من فلسطين الحبيبة
avatar

انثى
عدد المساهمات : 5925
العمر : 25
الاوسمة: :

النشاط : 7566
التقييم : 850

مُساهمةموضوع: رد: القائمة السوداء لأعداء الثورة   السبت فبراير 19, 2011 12:06 pm

موضوووووع جميل جدا والله يا اخي بيبو
والحمدلله انه رحل مبارك من مصر وتنحي يا اخي
وبعدين اتمني ان تختفي هذه القائمة السودااااااااااااااااء في الدنيا لانها فعلا اساس الفسااااد والله
انت فعلا شخص تحب وطنك وتريد ان تبقي عزيزة وفي امن وامااااان كمان
فبارك الله فيك يا اخي
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: القائمة السوداء لأعداء الثورة   الخميس مارس 03, 2011 6:02 pm

الله يبارك فيكي ويكرمك اختي
يارب يزيل هذه الغمة عن مصر وانا واثق ان شاء الله
ان القادم احلى واجمل من ما فات وسبق ..
سلم لنا مرورك اختي





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
طالبة عفو الرحمن
زهرة ندية من فلسطين الحبيبة
زهرة ندية من فلسطين الحبيبة
avatar

انثى
عدد المساهمات : 5925
العمر : 25
الاوسمة: :

النشاط : 7566
التقييم : 850

مُساهمةموضوع: رد: القائمة السوداء لأعداء الثورة   الخميس مارس 03, 2011 6:35 pm

تسلم يا اخي
اللهم اميييييييين ربي يزيلها من هيك غمة عن مصر
وعن كل الشعوووب العريبة
بارك الله فيك يا اخي
مروري وااااجب جدا
الرجوع الى أعلى الصفحة اذهب الى الأسفل
بسملة
نسمة حب
نسمة حب
avatar

انثى
عدد المساهمات : 9346
العمر : 29
الاوسمة: :

النشاط : 7160
التقييم : 440

مُساهمةموضوع: رد: القائمة السوداء لأعداء الثورة   الخميس مارس 03, 2011 10:08 pm

يبقى اعداء يبقوا اصحاب حققنا نصرنا ولسه قدمنا الطريق طويل ومش هنسكت الا لما نحقق حلمنا كله وهيبقى فى تحرير فى كل مكان ومش هنسكت المرة الجاى ولا هنسيب حد يسرقنا ويحرمنا من التفكير عن رايينا وفكرنا

شكرا يا بيبو
الرجوع الى أعلى الصفحة اذهب الى الأسفل
 
القائمة السوداء لأعداء الثورة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى اصحاب :: المنتدى العــــــــــــام  ::  عـــــــــــــــام -
انتقل الى: