احلى اصحاب
منتدى احلى اصحاب
الاخوة الصادقة
اخوه فى الله - ممزوجة بالايمان
ندعوك للتسجيل معنا فى المنتدى واضافة لمستك الجميلة فية



 
الرئيسيةمكتبة الصورالتسجيلالأعضاءدخولبحـثس .و .جالمجموعات

شاطر | 
 

 تخلص من مبارك اللي جواك ...!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: تخلص من مبارك اللي جواك ...!!!   الأحد مارس 06, 2011 12:13 am

السلام عليكم ورحمة الله

حبيت انقل لكم الموضوع ده


بقلم : د.شريف عرفة

أول كاريكاتير يومي أرسمه ، كان لرجلين يمشيان في جو حزين.. يقول أحدهما للآخر: شفت اللي بيحصل في البلد ؟

فيرد الرجل: و احنا مالنا ..هي بلدنا ؟

أول تغيير حدث للمصريين بعد رحيل مبارك ، هو الشعور الصادق بالانتماء.. فلم يكن أحد منا يدهن الحوائط أو يكنس الشوارع..

لم يكن أحد منا يرفع العلم لسبب غير مباريات الكرة.. لم يكن أحد منا يشعر أن مصر هي بلده و أن له أي تأثير فيها..

و كنا نقول أن مستقبل المصريين الوحيد هو الهجرة لكندا.

بعد 30 عاما من حكم مبارك ، تشوهت أشياء كثيرة في داخلنا .. منها ما رحل برحيله، و منها مايزال موجودا في وجداننا الجمعي حتى اليوم.

و كي نستطيع أن نصبح شعب دولة عظمى، يجب أن نتخلص من هذه القاذورات

دعونا نتأمل بعضها معا :
صورة

===========

1- العمل السياسي:

"ماليش في السياسة يا عم !"

============

كلنا نعرف أن مبارك بنفسه منع ممارسة السياسة في الجامعة كي يكون الشعب جاهلا سياسيا.. كما نجح في إبعادنا عن صندوق الانتخابات بأساليب عديدة.

فجعلها بالبطاقة الانتخابية - التي لا تستخرج إلا في وقت محدد في السنة- بالإضافة إلى التزوير السافر الذي أفقد الناس الأمل في العملية الانتخابية برمتها.

في انتخابات الشوري السابقة لم أكن قد فقدت الأمل بعد وقررت أن أشارك بصوتي.. فجمعت أسماء المرشحين لأجري بحثا عن نشاط كل منهم لأقرر من سأنتخب...

فوجدت هذا الفيديو على يوتيوب أثناء بحثي عن إحدى المرشحات.. تأملوا الفيديو أيها السادة:
إضغط لمشاهدة الفيديو:
See video

ده كلام يا جماعة ؟

في الانتخابات الرئاسية المزورة السابقة ، وجدت عضو مجلس الشعب في منطقتنا واضعا لافتة يقول فيها : "كل أهالي المعادي و البساتين يبايعونك يا مبارك" !!

فقررت مقاضاته و طلب تعويض، لأنني لا أبايع مبارك و ليس من حقه أن يقول هذا عني.. فليكتب مثلا : كل أهالي المعادي ماعدا شريف عرفة يبايعونك يا مبارك..دعك من أنها انتخابات و ليست مبايعة !

فنصحني المحامي بالابتعاد عن وجع الدماغ الذي لن يأخذني لشيء.. لأنه من رجال النظام و لأنه يمثلني فعلا في البرلمان !

و أنت تقرأ هذا المقال، فكر معي.. من هو ممثل دائرتك في مجلس الشعب ؟

هل تعرف أنه كان -غالبا- يصفق و يهلل و يوافق في المجلس، بإشارة من يد أحمد عز ؟

قبل أن تأتي الانتخابات التشريعية.. دعونا نبدأ بالعمل الجماعي الحقيقي في الشارع لاختيار أشخاص يمثلوننا فعلا..

و تذكر أن سلبيتك ، تعني سماحك لنفس الوجوه القديمة بالفوز مجددا و التحدث باسمك في البرلمان.

علينا أن نبدأ في صنع قياداتنا و تشجيع كل من حولنا على انتخاب الشخص المناسب.

و تذكر أن أنباءا تقول أن الحزب الوطني البائد يجتمع بأعضائه الآن بالفعل، ليخطط للانتخابات القادمة.
صورة

============

2- التفكير العقلاني:

"يا جماعة حرام عليكم- إهئ إهئ- الراجل ماعملش حاجة!"

============

المؤيدون لرئيس الوزراء السابق الفريق أحمد شفيق، حجتهم القوية لتأييده هي: أنه راجل محترم و مهذب !

و هذا صحيح فعلا بلا جدال.. لكنه أيضا دليل علي فساد نظام مبارك! فمعني هذاأن كل رؤساء الوزراء السابقين كانوا متعالين عديمي اللباقة لا يتواصلون مع الناس.. لدرجة أن وجود (راجل محترم و مهذب) يعتبر مكسبا استثنائيا لابد من الحفاظ عليه!

و بالمثل ، حين حاول مبارك قبل رحيله مداعبة مشاعرنا .. كانت حجج المؤيدين له، أن له تاريخا و أنه راجل عجوز و مريض و حرام يسيب الحكم كده..

"و كأن من الصواب أن يحكم بلد مهم كمصر، رجل "عجوز و مريض" لأن له تاريخ، على سبيل الجدعنة و "مايصحش كده يا جماعة !

هل هذا منطق سليم؟

نحن شعب عاطفي أجاد النظام الحفاظ على هذه الصفة لديه.. لذلك يجب أن نحذر كي لا تكون عاطفتنا هي المحرك الرئيسي لنا

في الفترة القادمة نحن من سيصنع مستقبل مصر.. فلا تجعل العاطفة مقياسك الأساسي أمام صندوق الانتخابات.

ما الذي يؤهل (فلان الفلاني) لقيادة مصر بأسلوب مختلف عن مبارك ؟

نحن نتكلم عن أفعال و مواقف حقيقية و ليس مجرد كلام.. فالكلام سهل لكننا نحتاج من عنده القدرة على التنفيذ و إدارة شئون البلاد بكفاءة و لديه إنجازات حقيقية تتكلم عنه.

قال لي احدهم على الفيس بوك أنه لن ينتخب الدكتور البرادعي عشان ساعات بيتهته!

فهل هذا مقياس محترم يقاس عليه؟

الرجل أثبت كفاءته عالميا، بانتخاب دول العالم له مرتين لإدارة مؤسسة دولية ، في منصب شديد الحساسية و الخطورة.. و أعلن أن العراق ليس فيه أسلحة دمار شامل ، و ليس ما نجح مبارك في إقناع الكثيرين به !

أنا شخصيا أحب البرادعي و كنت وسط من استقبلوه في المطار بالورود حين أعلن معارضته لمبارك..

لكن هذا -أيضا - لا يكفي لانتخابه.. فالمهم هو برنامجه الرئاسي القادم..

أليس كذلك ؟
صورة

============

- 3- ابحث عن الحقيقة:

" بيقولوا الراجل ده مش كويس!"

============

وجود مبارك في الساحة ، جعل تفكير الكثيرين منا أحاديا.. بمعنى أن : مبارك سيء، وأي شخص يهاجمه: بطل رائع و عظيم !

حين تستقر الأمور ، لن يكون هناك إجماع قومي شامل على أي موضوع من الموضوعات !

و هذا طبيعي و متوقع على فكرة.. فالناس مختلفون في أفكارهم و توجهاتهم.. و أي شخصية في الحياة السياسية المصرية مهما كانت نظيفة، توقع أن تجد هجوما حادا عليها في الفترة القادمة..

لأن عندنا حرية تعبير.

في هذه المرحلة علينا التمييز بين ما هو حقيقي و ما هو كاذب.. فحين يقول شعبان عبد الرحيم أن البرادعي هو سبب حرب العراق، فإن هذا لا يعني أنها الحقيقة.

الطريقة الصحيحة هي: القراءة و البحث.. الطريقة السهلة هي: أن تسمع رأي شخص تثق في معرفته و علمه.

صورة

============

4- تقبل الآخر:

إنت تخرس خالص !

============

في أمستردام ، شاهدت مهرجانا في الشارع -تشارك فيه كل القوى السياسية- بمناسبة عيد تنصيب الملكة.. و رأيت أحدهم يرفع علم الشيوعية (المطرقة و المنجل ) !

فسألت صديقي عن هذا الأمر، فقال أن هناك بالفعل حزبا شيوعيا عندهم.. لكن ليس له شعبية و لا ينتخبه الناس.. لكنه يمارس حقه الطبيعي في التعبير عما يراه صوابا!.

و في واشنطن رأيت مظاهرة لبعض السود يشتمون فيها أمريكا ذاتها و ينادون بالتمييز العنصري ضد البيض !

سألت ضابط شرطة عن هذا الموضوع فقال أن هذه حرية التعبير و لابد من احترامها، ماداموا لا يؤذون أحدا و يتكلمون فقط !

لقد أصبحنا في بلد ديموقراطي أخيرا.. و أصبح هناك تيارات و أفكار و مرشحون و انتخابات حقيقية.. لذلك توقع أن يكون هناك خلافات في الرأي مع أقرب الناس لك.. لا تنفعل و لا تحاول إجبار الناس على اتباع وجهة نظرك.

فلك الحق في التعبير عن رأيك و المناداة به ، و لمن يختلف معك هذا الحق أيضا!

و علينا جميعا احترام هذا الحق، الذي حصلنا عليه بدماء شهدائنا..

صورة

============

5- الانفتاح على العالم :

"آه يا عميل يا خاين"

============

و نحن أطفال ، كان عندنا أستاذ مريض بالسادية.. كان يستمتع بمعاقبتنا بمبرر أو دون مبرر.. لدرجة أن أحد الأطفال اشتكاه في قسم الشرطة لأن يده قد انكسرت من كثرة الضرب.

جاء الأستاذ في اليوم التالي و جعل هذا الطفل يقف أمامنا ، و ألقى عليه محاضرة في الأخلاق.. مفادها : "بقى تشتكيني برا ؟ حد يشتكي أستاذه؟ كاد المعلم أن يكون رسولا.. أنا باعمل كده عشان أعلمك..

و الغريب أن الطفل اقتنع ، و طلب من والده أن يتنازل عن المحضر.

هذا المنطق يمارسه نظام مبارك منذ زمن.. و الغريب أن بعض الناس كانت تصدق.

كيف تطلب رقابة دولية عالانتخابات ؟

كيف تشتكيني في المحكمة الدولية ؟

"بقي تشتكيني برا ؟"

أوهم مبارك الناس أن الشكوى منه هي (استقواء بالخارج) و (تسويء سمعة الوطن).. في حين أن هناك منظمات دولية محترمة, مهمتها تحسين أوضاع البشر في كل مكان.. كمنظمات حقوق الإنسان.

لا تخف من العالم الخارجي.. دعونا نؤيد فكرة الرقابة الدولية (و القضائية طبعا) على الانتخابات.. فنحن بأنفسنا كنا نراقب انتخابات أمريكا و دول أخرى.. هذا ضمان للمصداقية لأن المزور يخاف من الفضيحة و خصوصا لو كانت دولية.

لقد أقنعنا مبارك أن العالم كله يتآمر ضدنا ، كي نعتقد أنهم سبب ما نحن فيه، و ليس فشله هو في إدارة البلاد.

و جعلنا نخاف من التعامل مع العالم كله .. كي لا نشتكيه لأحد.
صورة

============

6- كرامة المصريين

"إنت عارف أنا ابقى مين ؟"

============

قال مدير أمن البحيرة أن الشرطة(أسيادهم).

هذا الاعتقاد طبيعي في ظل نظام مبارك، فقد تم السماح للبعض باستعراض قوتهم و شعورهم بالتفوق، كوسيلة تعويضية لنقص الرواتب و العمل الشاق الذي يتخلله مجاملة رجال النظام و الوقوف في التشريفات في الحر لساعات طويلة.. و هي أمور لا علاقة لها بوظيفة الشرطة الحقيقية.

النظام أفرز هذه الشخصيات الموجودة بالفعل، و التي التحقت بجهاز الشرطة فقط كي تحصل على هذا الشعور بالتفوق.

و هو الدافع هو الذي جعل كثير من الناس يلتحقون بالحزب الوطني بالمناسبة.

هذا الشعور -السيادة و العبودية- متبادل بطبيعة الحال.. فالشعور بالعبودية مترسخ في قلوب بعض الناس.

- شاهدت في التلفزيون المصري - قبل رحيل مبارك- رجلا يبكي و يقول : عايز أجي أعتذر لك يا ريس و أجيب مراتي و عيالي و نعيش تحت رجليك نخدمك طول العمر!

يسمون هذا في علم النفس (التماهي مع المعتدي) .. أي أن القهر الذي تتعرض له يجعلك في النهاية تتقبل الوضع و تتعاطف مع المعتدي و تتقمص وجهة نظره و احتقاره لك.. كي تبرر لنفسك منطقية ما كان يفعله.. و عرف هذا على الإنترنت بمتلازمة ستوكهولم.

عزيزي المصري.. لا تسمح لأحد أن يمارس فكرة التسلط عليك.. كلنا مصريون و الاحترام -كل الاحترام- للقانون الذي يفصل بيننا.

الرئيس القادم موظف عام له كل الاحترام و كل التقدير بحكم منصبه ..لكن مسموح بنقده بالطبع.

فلا يوجد إنسان كامل.. كما كان يحاول ممتاز القط أن يصف مبارك

============

7-- الديكتاتورية المضادة:

" هانشنقهم في ميدان التحرير"

============

عبأنا نظام مبارك بالغضب و القهر.. لذلك حدث الانفجار.

صدمني رد فعل الناس في حادثة سائق المعادي.. حين أطلق ضابط شرطة الرصاص على سائق فأوسعه الناس ضربا حتى كاد يفارق الحياة.

و ضايقني فيديو لمجموعة من الرجال، يحملون شخصا مضرجا بالدماء على سيارة نصف نقل، و يطوفون به في المكان.. و قيل أنه معاون شرطة كان يعذب المواطنين و ها هم ينتقمون منه.

،لاحظ أن مبارك شجع استخدام البلطجة للخروج على القانون..فأحكام القضاء لا تنفذ و أصبح الناس يلجأون للبلطجية لتطبيق عدالتهم الخاصة.. كان هذا في عهد مبارك فلا يجب أن نلوث سمعة ثورتنا العظيمة بالدماء.. فالقانون سينتقم لنا ممن نراهم مخطئين، فلابد من احترام سيادة القانون.

لا يجب أن نكون أكثر بشاعة من نظام مبارك، فنعود أسوأ مما كنا قبل الثورة.

حتى المسئولين الذين تتم محاكمتهم ، أتوقع أن يخرج بعضهم بحكم البراءة.. علينا وقتها - أيضا - أن نحترم سيادة القانون ، طالما تحقق استقلال القضاء.
كما لا يجب أن نكره الشرطة بشكل مطلق و نعمم أخطاء بعض المنحرفين.. فالشرطة لها دور قومي عظيم في نهضتنا القادمة.

قريبا جدا ، لن نحتاج إلى التظاهر من أجل تحقيق مطالبنا.. سيصبح هناك قانون حقيقي.. و قضاء حقيقي.. و انتخابات حقيقية..

عندها، ربما يصبح الالتقاء في ميدان التحرير كل يوم جمعة ، نوعا من الاحتفال الأسبوعي، الذي سيأتي السياح حول العالم لزيارته و استلهام روح هذا الشعب العظيم.

عزيزي المصري..
نحن نعيش في وطن واحد..
و حان الوقت ليكون أعظم وطن في العالم.
د.شريف عرفة






يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الأحد مارس 06, 2011 12:16 am

مع اعتراضي على بعض ما جاء في المقال
ولكن اتفق مع اغلبه وارى انه مفيد جدااااااا
ولاننا بعد الثورة نكفل حرية الراي والراي الاخر
عرضت عليكم الموضوع ده وياريت ياريت
اسمـــــــــــــــــــع رايكـــــــــــــــــــــــم ..





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
Dr_aya
Princess
 Princess
avatar

انثى
عدد المساهمات : 17630
العمر : 26
الاوسمة: :

النشاط : 14904
التقييم : 1440

مُساهمةموضوع: رد: تخلص من مبارك اللي جواك ...!!!   الإثنين مارس 07, 2011 5:11 pm

كلام عقلاني جدا في مجمله
واكتر عبارة عجبتني كانت

فلك الحق في التعبير عن رأيك و المناداة به ، و لمن يختلف معك هذا الحق أيضا!

و علينا جميعا احترام هذا الحق، الذي حصلنا عليه بدماء شهدائنا..



بالنسبة لموضوع الانتخابات والتزوير
فدي حاجة بقت عادية جدا والناس العاديين حتي اتعودوا عليها
والغريبة ان النظام بقي كان بالنسبة له ان الناس تقول الانتخابات مزورة او مش مزورة
ما بيهمهمش
لدرجة ان في المسلسلات اللي بيذيعها التليفزيون المصري نفسه يكاد لا يخلو تليفزيون
من شخصية المرشح الظالم الجشع اللي بيبوزع لحمة علي الناس وقت الانتخابات علشان ينتخبوه
انا هحكيلك سيناريو حصل عندنا هنا في بلدي بس معلش استحملني هطول شويتين حصل حاجة غريبة قوي
حاجة انا بسميها ثورة مصغرة (صامتة )
بس قبل ما احكي السيناريو دة هرجع لورا شوية من شوية سنين كدة
حصلت حكاية انا ما حضرتهاش بس اتحكالي عنها
حادثة مشهورة قوي في بلدنا
كانت خناقة بين اسرتين وجه الامن واتدخل وواحد مات من المواطنين
(غالبا دة اللي حصل)
البلد بقي قامت ولا قعدتش ازاي واحد من الامن يقتل واحد بريء بيخلص الخناقة
راحت البلد كلها طلعت وراحوا مجلس المدينة وحرقوه والامن انتشر في البلد وحصل
حظر تجول ومن يومها والحكومة واخدة فكرة عن بلدنا انها مشاغبة
(مش الحكومة بس دة في البلاد المجاورة كمان)
نيجي بقي للسيناريو
للي هحكيه دة يفسر ليه ما فيش ولا مظاهرة طلعت في بلدي
وهتبين كمان ان أد ايه النظام بتاعنا القديم دة جبان جداااا من زمان
كان في مرشح من الدورة اللي قبل اللي فاتت نزل الانتخابات
بس كان مغرق الدنيا دعاية لدرجة ان من كتر الناس ما حفظت شكله واسمه رغم انه مش من البلد نفسها
الكل انتخبه
انا شخصيا شايفة انه ما عملش اي حاجة للبلد خالص
في الوقت اللي عمل فيه لنفسه كتيييييير واتغني بشكل ملحوظ في الخمس سنين دول
الدورة اللي بعدها نزل كان وقتها الانتخابات ما فيهاش تزوير لو تفتكر
كان معظم اللي نجحوا فيها اخوان مسلمين
وصاحبنا دة نجح من تاني وطبعا انضم من اول مرة للحزب الوطني وبقوة
في النتخابات الرئاسية عمل دعايا للرئيس مش بس في بلدنا لا في بلاد تانية بعيدة
فلان الفلاني يؤيد ويبايع مبارك
ومن بعد مبارك جمال
قضي كدة 10 سنين في المجلس
ولا عمل اي حاجة
اللهم الا ضاعف ثروته اضعاف مضاعفة
بعد كدة انكشف امره وظهر اسمه في قوائم المتهمين في موضوع العلاج علي نفقة الدولة
وكان بيعمل دعاية للانتخابات بتاعته علي وصلات الدش كان فيها فيديوهات كدة منزلا وصور
مع احمد عز وكان بيتباهي بكدة
الناس بقي في بلدنا زهقت منه ومن كلامه ووعوده
وفي نفس الوقت ظهر مرشح تاني برده عن مقعد العمال والفلاحين بس الفرق بينهم واضح
صاحبنا الاولاني كان قهوجي في الاصل وربنا كرمه ولما دخل المجلس افتري ناهيك عن انه
غير مثقف وغير متعلم اساسا
المرشح التاني كان شاب من اسرة اساسا غنية جدا يعني مش محتاج فلوس
مثقف وخريج تجارة
لبق ومشهور بفعل الخير في البلد من قبل الانتخابات
دة غير اخلاقه العالية وتواضعه الشديد
كان بيعمل مؤتمرات وكان المؤتمر في نهايته بيتقلب لمسيرة فيها ناس كتير
بجد كانت مناظر تفرح تحس كدة ان الناس فرحانين من قلبهم والناس اللي ما لهاش في السياسة
ولالها في الانتخابات طلعت في المؤتمرات والشباب كلهم مليانين حماس خاصة ان شاب هيمثلهم
وكان الموقف نظريا محسوم لذلك المرشح الشاب
المرشح دة كان زيه زي ناس كتير لهم في السياسة كان عنده كارنيه حزب وطني وله نشاط في الحزب
بس لما جه ينزل الانتخابات طلع من الحزب الوطني وقرر ينزل مستقل
رغم انه فرصته في الحزب كانت ممتازة اصة ان المرشح الاولاني اصبح كارت محروق
بس هو نزولا علي رغبة الناس نزل مستقل الناس كلها في بلدنا شجعته علي كدة
دة بالنسبة لكرسي العمال
بالنسبة بقي للفئات فالموقف كان محسوم من البداية
وجه قديم من وجوه الحزب الوطني دفع 10 مليون جنيه للحزب
5 لجمعية محمد علاء مبارك
و5 لاحمد باشا عز
الله اعلم انا ما شفتش بعيني بس دة اللي بيتقال من زمان من ايام الانتخابات
بس اللي اعرفه كويس ان هذا المرشح سرق البلد من زمان قوي
لدرجة انه مشهور بحرامي الرمال لأن احنا بلدنا رملية فيها كثبان رمليه علي البحر
بنسميها اكوام ودي تعتبر ثروات قومية ملك لكل البلد هو اخدها وباع الرمال دي
الرمال نفسها رغم انه لا يملك الارض اللي عليها
دي حاجة من الحاجات اللي عملها
(بالمناسبة الشخص دة حاليا عل ما اسمع مقدم فيه بلاغات للنائب العام)
نيجي بقي ليوم الانتخابات
انا بنفسي رحت وانتخبت وكل زمايلي كمان
مش هقدر اوصفلك اللي انا شفته بجد منظر رهيب جدا جدا
اصلا احنا بلدنا معروف ما بيطلعش فيها ناس تنتخب كتير
لأن مرشح الفئات اللي هو بتاع الحزب الوطني معاه بلطجية ودي حاجة معروفة
وعلي فكرة مش مأجرهم ولا حاجة دي عيلته
حتي عندنا كان البنت اللي تروح تنتخب تبقي مش مؤدبة علي طول
لأن اهلها يخافوا عليها من اللي ممكن يجرالها
اليوم دة عايزة اقولك البلد كلها عن بكرة ابيها كانت في الانتخابات حتي اللي ما لهمش اصوات
كانوا هناك علشان كانوا حسين ان دة يومهم وان دي ارادتهم
انا ما انساش والله واحدة ست عجوزة جت ما لقتش اسمها قعدت تبكي
وراجل عجوز قعد يتحايل عليا ادخل انتخب لبنته علشان هي مسافرة وقعدت اقنعه انه ما ينفعش ما عرفتش
فدخلت بس وقتها الظابط رفض
عايزة اقولك ان كل رجالة البلد تقريبا يومها باتوا في قسم الشرطة في انتظار نتيجة الانتخابات
والكل كان متوقع فوز مرشح الحزب عن الفئات لان مالوش منافس تقريبا غير انه دافع ومظبط
دة غير ان اهل البلد للاسف ادوله اصواتهم بحجة دة ابن البلد واللي نعرفه احسن من اللي ما نعرفهوش حتي لو اللي
نعرفه دة كان اكل حقنا وحق ولادنا
وكان متوقع نجاح المستقل في العمال لان البلد اساسا كلها طلعت علشانه
في المركز بقي كانت المفاجأة الناس بره في ترقب
وااحداث جوة تتصاعد
(حاسة اني بحكي رواية بس هو دة الي حصل)
طلعت اخبار برة القسم بفوز مرشح الحزب عن الفئات (ما يضرش)
وفوز المرشح المستقل اللي البلد عايزاه
الناس هيصت وبقوا يتصلوا ببيوتهم بيشروا الستات في البيوت
وبقوا الناس يحضنوا في بعض(والله اخواتي ووالدي اقسموا ان دة حصل)
وشوية وقالوا ان المرشح بتاع الحزب بعد ما اعلن فوز المرشح المستقل جاب صناديق
متقفلة من قري بعيدة كلها متقفلة له واغريبة من من غباءه الصندوق المفروض فيه 1000 صوت مثلا
كان بيعبيه 1200 وكلهم ليه
وعلي الرغم من ان الصناديق دي جات متاخرة بعد اعلان النتيجة الا انها اتحسبت بناء علي تعليمات عز
باشا شخصيا بعد صاحبنا ما اتصل بيه
وجه خبر فوز مرشح الحزب صادم للناس كلها ومستفز جدا
احساس وحش قوي بالظلم والاهانة واغتصاب الارادة
عايزة اولك اني مشيت تاني يوم في الشارع وشفت منظر اول مرة اشوفه حزن والله
علي وشوش الناس كلها وكله بيتكلم في نفس الموضوع
كل دة والاخبار دي كلها اشاعات بتطلع من القسم ما فيش كلام اكيد
بمعني ان كل دة حصل فعلا بس كانت الاخبار بتتسرب ولسة النتيجة ما اعلنتش بس مرشح الحزب
كان دبح دبايحه وفرح وهيص مع اتباعه
والنتيجة لسة ما بانتش نهائيا
بعد كدة اعلنوا ان في اعادة بين الاتنين لانهم شافوا ان اللبد هتولع لو نجح بالطريقة دي
كانوا عايزين يزينوا الموضوع شوية
عايزة اقولك من تاني يوم اعلان النتيجة وبدأت مشاورات وحوارات واستعدادات
انا هرصدلك مواقف والله شفتها بعيني او سمعتها في وداني
السواقين اللي كنا بنركب معاهم كانوا بيقعدوا يقولوا للناس اللي بتركب يا جماعة لازم كلنا ننزل الانتخابات
لو حد اتصل بحد وكانت النمرة غلط كانوا بيقولوا لبعض لازم ننزل الانتخابات
يعني شوف كانوا بيستغلوا الفرصة لاي مدي؟؟؟
الشباب بدأوا يقسموا بعض واستعدوا ينزلوا للناس البيوت ويدوهم البطاقات ويشجعوهم ولو اني واثقة انهم ما كانوش محتاجين لدة
صاحبنا بقي كان مشغول بدفع الفلوس وبيع الاصوات ودبح الدبايح
سمعت انه عرض علي المرشح المستقل يدفعله فلوس الدعاية وضعفها كمان لو يتنازل
قاله مش هبيع بلدي والناس اللي عايزاني ولو بملايين الدنيا
نيجي بقي للمفاجاة الي الموضوع
في عز ما الناس بتستعد للاعادة بمنتهي الياس قصاد جبروت الحزب الوطني
اعلنت اللجنة العليا للأنتخابات نجاح المرشح المستقل
وفي الموضوع دة اتقال روايتين
الاولي ان عز واعوانه شافوا ان الدنيا هتتقلب لو التاني نجح خاصة ان فيه كراهية جماعية له
ويمكن اقالوا ننجحه وبعدين نضمه لصفنا ودة فعلا اللي حصل بعد اول جلسة للمجلس طلبوا منه يوقع للحزب وهو رفض علي ما سمعت
التانية ان القاضي كان معاه سي دي عليه اللي حصل او عليه مجموع الاصوات او ايا كان ورفعه للجنة العليا للانتخابات
المهم ان اليوم دة انا بصيت من البلكونة كان في مهرجان بمعني الكلة العربيات عليها اعلام والناس كلها بتجري
للمكان اللي فيه المرشح دة وفضلوا يحتفلوا للصبح باللي حصل والعاب نارية واغاني وبجد اول مرة اعرف معني
كلمة ارادة وفرحة جماعية كان اليوم دة
الناس بقي في البلد كانت بتسمي كل اللي مشي مع المرشح التاني وسنده وقبض منه عميل وخاين
ونزلت منشورات فيها اسماء الناس دي
واللي كان يبقي اسمه في المنشورات دي يبقي ذليل ويمشي في البلد مكسوف
والعيلة اللي ييجي حد منها في القوائم دي كانت تتبري منه
(ثورة علي صغير)
اللي عايزة اقوله ان الشعب المصري من زمان له ارادة مش من النهاردة
ومش بس الشباب هما اللي حاسين بالظلم
وان النظام القديم ركيك وجبان من زمان
بس احنا فعلا اللي من خوفنا كنا مديينه اكتر من حقه
يعني ايه لما شاوف ظابط شرطه ركبي تخبط في بعضيها
هو يعني احسن من الدكتور ولا المهندس ولا المدرس في ايه
احنا اللي عملنا كدة في نفسنا
كنا فين من زمان؟؟
احنا بقي في بلدنا ما حصلش مظاهرات لان البلد كانت من جواها راضية وحاسة انها منتصرة
وعندنا غي بلدنا دي بالذات بنقدس الامان لان كل البلد عارفة بعضها وممكن بنتين يمشوا يشتروا حاجات لوقت متأخر من غير خوف
ما كانش حد بيطالب بمظاهرات في البلد غير الاخوان
والبلد كلها اقسمت انها مش هتسمحلهم بمظاهرات خوفا علي المرافق في البلد
والمرشح دة في وقت المظاهرات وتسيب السجون
لم كل البلطجية المعروفين في البلد واداهم فلوس وقالهم دي بلدكم وانتوا تحموها كانكم بتشتغلوا بالفلوس دي
وفعلا وقفوا علي مداخل البلد خوفا من البلطجية اللي بييجوا من البلاد اللي جنبنا
دة غير انه جاب ظابط القسم وطلب منه انه يقعد في القسم هو والمخبرين وتعهد ان البلد
مش هتعملهم حاجة وفعلا دة اللي حصل والقسم عندنا موجود من اول المظاهرات لغاية دلوقت
مصر حلوة بينا بس اهم حاجة نشغل عقلنا ونبطل نمشي ورا اشاعات
حتي ولو مين بيقولها ونبطل ننسي بسرعة نخلي ذهننا حاضر شوية
ونبطل نبص للفلوس علي انها اقصي املنا في الحياة
معلش يا بيبو ان طولت
بس كنت عايزة اوصل حاجة مش هعرف اوصلها غير لو حكيت بالتفصيل
ويا ريت تكون وصلت
شكرااااا بيبووووو









الرجوع الى أعلى الصفحة اذهب الى الأسفل
يعجبني عنادي
من دموعي أصنع الإبتسامات
 من دموعي أصنع الإبتسامات
avatar

انثى
عدد المساهمات : 5002
العمر : 26
الاوسمة: :

النشاط : 6610
التقييم : 940

مُساهمةموضوع: رد: تخلص من مبارك اللي جواك ...!!!   الثلاثاء مارس 08, 2011 2:05 pm

مقاله جميله جدااااااااا وفعلا

احنا محتاجين نتغير ونجنى كلنا ثمار ثورتنا الجميله

دى فى كل مجال ومكان

وانا نفسى نغير سلوكنا اللى اتعودنا عليه

نفسى ادخل مصلحه حكوميه اومستشفى او

اى مكان فى مصر والقيه بالخدمه الممتازه والمطلوبه

وبالنسبه لمبارك الا جوانا انا اتخلصت منه من زمان

وعملتله شفت دليت

وبصراحه مصر جميله وقاست كتير وحان الوقت ان مصر تشوف ايام

جميله وتخلص من الظلم والظالمين

شكرا يا محمود على المقال الاكثر من رائع
sm5
الرجوع الى أعلى الصفحة اذهب الى الأسفل
طالبة عفو الرحمن
زهرة ندية من فلسطين الحبيبة
زهرة ندية من فلسطين الحبيبة
avatar

انثى
عدد المساهمات : 5925
العمر : 25
الاوسمة: :

النشاط : 7566
التقييم : 850

مُساهمةموضوع: رد: تخلص من مبارك اللي جواك ...!!!   الثلاثاء مارس 08, 2011 6:55 pm

انا ما بقدر الا اقوووول انو المقال جمييييل وحلووو
وتسلم يا اخي بيبو
واتمني لمصر كل الخيييير والامن والسلاااااااام
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الثلاثاء مارس 08, 2011 6:56 pm

يا الله يا ايوووووووووووت
ايه ده كله دي تنفع قصة جامدة جداااا ويبقى عنوانها
((ارادة شعب))
ده فعلا ال احنا عاوزينه وكنا عاوزينه من زمان وهو الوقوف
كل يد واحدة مع بعضهم حتى يتغلبوا على الظلم
ولو فعلنا جميعا ذلك في كل مكان منذ البداية لما وصلنا الى
ما وصلنا اليه ولكن مع سكوتنا وتنازلاتنا المستمرة
تفرعن الفرعون واصبح لا يجد من يوقفه
وتكبر المسؤول واصبح موجودا لخدمة مصلحته ومن معه فقط
تعالى الظابط وتجبر لانه وجد من يطاطي له ويذل
افسد المفسدون لانهم لم يجدوا من ينهاهم عن هذا
ارتشى المرتشون لانهم وجدوا من يساعدهم ويعطيهم
زور الموزورون لانه طلب منهم وشجعوا على ذلك
وقيسي على ذلك كل ما يحدث في مصرنا الحبيبة الى
ان وصلنا الى ما وصلنا اليه بالفعل عندما وقفت البلدة كلها وقفة
واحدة وارادوا ان ينتصروا لكلمتهم ولرجلهم ولمن ارادوا
اذعن المتكبرون والجبابرة الى ارادتهم خوفا منهم ومن تاثيرهم
لانهم كلمة واحدة ولا يستيطيع التفرقة بينهم ...
فعلا مستحيل ان يتجبر الظالم الا اذا اراد شعبه ذلك وساعدوه على ذلك ..

حكاية موحية وقصة معبرة ويجب ان نتحلى جميعا بها
يسلم مرورك واضافتك الرائعة ايوووت ...
-------------------------
عهـــــــــــود
علشان نخلص من الظالمين فعلا لازم يكون عندنا كلنا وعي
وانا دايما بتكلم في كده مع اي حد بقابله او في اي مكان بقعد فيه
علشان هو اساس تحضرنا وتقدمنا والخروج من اللي احنا فيه
والوعي بيشمل وعي ديني سياسي اجتماعي ثقافي في كله
علشان نعرف احنا عاوزين ايه بنعمل ايه بنتعامل مع مين
ايه حقوقنا ايه واجباتنا ايه اللي حصل وايه الي ما يحصل كل ده
هيوصلنا في الاخر اننا نتقدم وننهض بالبلد من جديد ودورنا احنا
اننا في اي مكان نتواجد فيه نحاول بقدر الامكان توعية من حولنا
والكلام معهم في ما يخص البلد وما ينبغي عليهم ان يفعلوه حتى
يصبح لهم دور في الحياة وفي بناء الوطن ...

نوورتيني عهوود بمرورك

مع التقيييييييم لكمااااا





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الثلاثاء مارس 08, 2011 6:57 pm

الله يكرمك سوسو يارب
نوووورتيني بمرورك





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
طالبة عفو الرحمن
زهرة ندية من فلسطين الحبيبة
زهرة ندية من فلسطين الحبيبة
avatar

انثى
عدد المساهمات : 5925
العمر : 25
الاوسمة: :

النشاط : 7566
التقييم : 850

مُساهمةموضوع: رد: تخلص من مبارك اللي جواك ...!!!   الثلاثاء مارس 08, 2011 6:59 pm

ويكرمك يا اخي
ربي يسعدك
الرجوع الى أعلى الصفحة اذهب الى الأسفل
ملاااك
صديق لامع
صديق لامع
avatar

انثى
عدد المساهمات : 7104
العمر : 27
الاوسمة: :
احلى أكلة
النشاط : 9108
التقييم : 838

مُساهمةموضوع: رد: تخلص من مبارك اللي جواك ...!!!   الخميس مارس 10, 2011 4:04 am

المقووولة رووووعة
ربنا ينصر اهلنا في مصر
الرجوع الى أعلى الصفحة اذهب الى الأسفل
a white rose
وردة المنتدى
 وردة المنتدى
avatar

انثى
عدد المساهمات : 25849
العمر : 40
الاوسمة: :
احلى أكلة
النشاط : 18687
التقييم : 1833

مُساهمةموضوع: رد: تخلص من مبارك اللي جواك ...!!!   الخميس مارس 10, 2011 5:30 am

beebooo2008 كتب:
مع اعتراضي على بعض ما جاء في المقال
ولكن اتفق مع اغلبه وارى انه مفيد جدااااااا
ولاننا بعد الثورة نكفل حرية الراي والراي الاخر
عرضت عليكم الموضوع ده وياريت ياريت
اسمـــــــــــــــــــع رايكـــــــــــــــــــــــم ..

بالظبط ده كان شعوري أول ما قريت الموضوع
سبحان الله دايما لما أقرأ ردك زي ما يكون أنا اللي كاتباه

وانا عمالة أقرأ الموضوع و أفرأ ردودكم وكلامكم و أشوف خبراتكم في الحياة حسيت قد ايه جيل الشباب والجامعات الأيام دي أصبح على وعي وثقافة ودراية عما يحدث حوله

يمكن أيامنا ما كانش فيه نت وما كانش فيه دش وكنا فقط بنستمع لقنوات الحكومة وما تبثه من فكر معين لا نعرف غيره
يمكن كان كل ما نفعله في الحياة هو أكل وشرب ودراسة ودراسة ودراسة لمجرد نيل أعلى التقديرات وخلاص سواء فهمنا اللي بنحفظه ام لا
كان اللي بيتكلم في السياسة أو الدين بنبعد عنه بسرعة وبنخاف منه وده بيكون إرهابي

وده برضه اللي شكلته أيامها في فكرنا القنوات
ولذلك من خوفنا اللي إتربينا عليه وعدم علمنا وقت الثورة انا كنت في حيرة من أمري

أنظر لهؤلاء ولهؤلاء و لا أعلم أين الصواب

أعلم أننا نحتاج للتغيير وثورة ضد الفساد و أصحابه لكن في نفس الوقت خايفة على بلدي أحسن يكون اللي جاي لا قدر الله أسوأ

بالفعل هي ثورة ليست فقط ضد النظام ولكن ضد الخوف اللي كان مقيد البشر
ولكن يارب نقدر نستفيد منها بطريقة صحيحة و نتعاون ونبني مع بعض
مش كل شوية نلاقي مشكلة في مكان وثورات مصغرة تخلي البلد على الدوام مشتعلة
ربنا يحفظ بلادنا الإسلامية

جزاك الله بيبو صاحب الفكر المميز







صليت على النبي النهاردة ؟

ذكرت ربنا سبحانه وتعالى ؟

لو لأ يلا بسرعة ما تضيعش وقت

الرجوع الى أعلى الصفحة اذهب الى الأسفل
ياسمينا
عروسة المنتدى
عروسة المنتدى
avatar

انثى
عدد المساهمات : 9052
العمر : 27
الاوسمة: :

النشاط : 9081
التقييم : 829

مُساهمةموضوع: رد: تخلص من مبارك اللي جواك ...!!!   الخميس مارس 10, 2011 12:44 pm

اقتباس :
اقتباس :
مع اعتراضي على بعض ما جاء في المقال
وانا كمان والله قبل ماشوف رد حد وانا بقراه كان في حاجات
معترضه عليها بس ماتخبلتش ان بيبو يعترض
اقتباس :
مستقبل المصريين الوحيد هو الهجرة
بجد الكلمه دي تحزن وتخوف ..ماتخيلش نفسي اعيش بره
مهما كانت الاغراءات ممكن اسافر كسياحه انما هجرة !!
ونفسي م كل قلبي كل المصريين اللي فاي دول بره يرجع ويلاقي
نفس المستوي بنفس الرفاهيه والعيشه الكريمة
اقتباس :
"كل أهالي المعادي و البساتين يبايعونك يا مبارك" !!
نفس الموضوع كان عندنا وكنت بقول لبابا هو اخد راينا لما يقول
كل اهالي ادكو ورشيد معك يا ريسنا بس ده لما كان العضو مرشحه الحزب
بس اخر عضو نجح كان مستقل ونجح بجدارة وبراينا ومحدش قدر يزور
الانتخابات في دايرتنا احنا بالذات كلنا كنا عاوزينه بجد خسارة
اقتباس :
الوزراء السابقين كانوا متعالين عديمي اللباقة لا يتواصلون مع الناس.. لدرجة أن وجود (راجل محترم و مهذب) يعتبر مكسبا استثنائيا لابد من الحفاظ عليه!
متها لي كدا انا كمان انا كمان كنت حاسه انه مكسب
اقتباس :
هذه حرية التعبير و لابد من احترامها،
نفسي اسمع الكلمه دي هنا بدوووووووووووون بلطجة
اقتباس :
أن العراق ليس فيه أسلحة دمار شامل
والله!!!!!!!!!!!!!!!1
اومال هي محتله حاليا ليه ؟؟؟؟؟؟؟؟؟؟؟؟؟؟؟
كتره خيره بصراحه انه قال كدا
اقتباس :
أنا شخصيا أحب البرادعي و كنت وسط من استقبلوه في المطار بالورود
والله دا رايك انت
انا نفسي مابرتحشي للشخص ده
والله هو ملوش حكم ع بتنه هيجي يحكمنا احنا !!!!!!!!!!!!
اقتباس :
سيصبح هناك قانون حقيقي.. و قضاء حقيقي.. و انتخابات حقيقية
ودا المطلوب دا اللي نفسنا فيه
دا اللي يااااااااااااارب يتحقق
دا اللي بنترجاه من ربنا

تسلم بيبو ولو سمحتلي ان شاء الله لي عودة





للهم انى استودعك وطنى وانت الذى لا تضيع ودائعه
,فاحفظه يا ربى ولا تضيعه.
.اللهم إنا علمنا أنه مع العسر يسرا و مع الشدة فرج
و أنك مبدل الأحوال من حال إلى حال ربى إنك ترانا
و تعلم بحالنا فأبدل عسرنا يسرا و أبدل شدتنا بالفرج القريب
. آمين





الرجوع الى أعلى الصفحة اذهب الى الأسفل
Niera
تلقــــــائية الكلمــــات تلقــــــائية الكلمــــات
avatar

انثى
عدد المساهمات : 4260
العمر : 27
الاوسمة: :

النشاط : 5569
التقييم : 889

مُساهمةموضوع: رد: تخلص من مبارك اللي جواك ...!!!   الخميس مارس 10, 2011 5:07 pm

فى البداية وكالعادة اكيد موضوع زى كدة لازم يكون من بيبو الجامد جدااا فى اختياره لمواضيعه

ثانيا انا اكتشفت انى عندى الحالة اللى قال عليها د شريف دى

يسمون
هذا في علم النفس (التماهي مع المعتدي) .. أي أن القهر الذي تتعرض له
يجعلك في النهاية تتقبل الوضع و تتعاطف مع المعتدي و تتقمص وجهة نظره و
احتقاره لك.. كي تبرر لنفسك منطقية ما كان يفعله.. و عرف هذا على الإنترنت
بمتلازمة ستوكهولم.
وكل ما افتكر انى كنت متعاطفة مع مبارك وبقول لا المفروض يستنى ومش يمشى بالشكل دة ازعل من نفسى اوى
وطبعا الاعتراف بالحق فضيلة
وخصوصا بعد الارقام اللى بنسمعها من الاموال عنده وعند الحاشيه بتاعته

وتعقيبا على كلام ايوتة فعلا دى كانت ارداة شعبنا اللى وقف مع المرشح المحترم دة وحس ان الراجل دة اللى هيجيبلنا حقوقنا ووقفنا معاه واعتقد انه لو رشح نفسه مرة تانية هينجح واللى حصل مع
المرشح التانى بتاع الحزب الوطنى هيعاد النظر فيه مننا

و تذكر أن أنباءا تقول أن الحزب الوطني البائد يجتمع بأعضائه الآن بالفعل، ليخطط للانتخابات القادمة.
!!!!!!!
الكلام دة حقيقى ولا ايه؟؟
انا كمان سمعته
وسمعت اللى اكتر من كدة ان جمال وابوه بيحكومنا من الاسر
طب نعمل ايه عشان نتأكد ونعرف

ونعمل ايه عشان التخطيط اللى جاى فى الصميم من فتنة طائفية وبلطجية ميدان التحرير يختفوا من حياتنا

قريبا جدا ، لن نحتاج إلى التظاهر من أجل تحقيق مطالبنا.. سيصبح هناك قانون حقيقي.. و قضاء حقيقي.. و انتخابات حقيقية..

يارب احنا نتمنى ذلك من كل قلبنا

ويارب تعدى ازمة مصر الاقتصادية على خير

وترجع بلدى احسن مما كانت يارب

سلمت َ بيبـــو
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الخميس مارس 10, 2011 6:00 pm

ملاااااااااااااااك
نورتيني وشكررا لمروووورك
-------------------
روووووووووووووز
ما اجمل كلامك وتعليقاتك عندما تتحفينا بها واكيد فرق السن بيبقى ليه
حكمته ولباقته وفهمه الواسع مهما كانت الظروف والمقامات محفوظة طبعا

اقتباس :
وانا عمالة أقرأ الموضوع و أفرأ ردودكم وكلامكم و
أشوف خبراتكم في الحياة حسيت قد ايه جيل الشباب والجامعات الأيام دي أصبح
على وعي وثقافة ودراية عما يحدث حوله
يمكن أيامنا ما كانش فيه نت وما كانش فيه دش وكنا فقط بنستمع لقنوات الحكومة وما تبثه من فكر معين لا نعرف غيره

تعددت المصادر وتعددت الوسائل للمعرفة وفتحت الابواب واطلع الشباب على مختلف الثقافات
ووجدت كل وسائل البحث والمعرفة فبضغطة زر واحد تستيطع وانت في مكانك ان تصل
الى اخر الدنيا وتعرف مايدور فيها وما يمكن ان يحدث وتوقعات وتخيلات وتحليلات
وللموقف الحالي وما مضى ووسائل تعددت وتفننت في طرق ايصال المعلومات
فاصبح من يستثمر هذه التقنيات والتكنولوجيا مثقفا واعيا فاهما على دراية كافية
بما يحدث حوله يستطيع التمييز بين الحق والباطل بين الصواب والخطا وهذا ما نسميه الوعي
والادراك والثقافة العامة التي يكتسبها الانسان .. اعتقد جيل الشباب محظوظ اليومين دول
انه قدامه كل السبل مفتوحة للعلم والتعلم والثقافة والادراك ولكنه ايضا امام اختيار صعب
كي يحدد اي طريق يريد ان يسلك واي وجهة يريد وفي اي طريق سيتعلم منه ويستم منه
فكره ووعيه وهذه من اكبر المشاكل ولهذا يسمى الانترنت بالسلاح ذو الحدين لان لكل انسان وجهة
ولكل انسان تخيل ومن هنا ينطلق كل منهم فهذا يبحث عن علم شرعي وهذا يبحث
عن دنيوي وهذا يبحث عن اقتصادي واخر عن اجتماعي وهكذا ومن ما هو مضر
فهذه الوسائل الحديثة تجعل الانسان رقيبا على نفسه حسيبا عليها وتحدد شخصيته وتوجهه في حياته ...

اقتباس :
وده برضه اللي شكلته أيامها في فكرنا القنوات
ولذلك من خوفنا اللي إتربينا عليه وعدم علمنا وقت الثورة انا كنت في حيرة من أمري
أنظر لهؤلاء ولهؤلاء و لا أعلم أين الصواب

من اسوأ ما يكون ومن اسوا ما حدث ما زرعته هذه السنوات من خوف وعدم وعي
في نفوس الكثير من المصريين فاصبحوا يخافون من كل صاحب لحية لمجرد انهم
راوه في التلفاز وفي المسلسلات كلها والبرامج انه يتكلم العربية في كل وقت حتى في البيت
ومكفهر الوجه عابس دائما لا يضحك ولا يبتسم وعنيف وقاسي وغاضب وهذا
تشويه حتى لا يفكر احد من العامة ان يقترب من هؤلاء لانهم لو اقتربوا منهم سيضربونهم
او او الى غير ذلك من الامثال الكثيرة التي ضربت والتي رسخها الاعلام في نفوسنا
حتى اصبحنا كما قلتي لا نميز ولا نفرق بين من هو مخطئ ومن هو على صواب
اصبحنا نهان ونسكت لاجل ان نعيش لاجل ان نربي اولادنا وبناتنا نرى الظلم ونسكت
وكل يقول وانا مالي خليني في حالي احسن اروح ورا الشمس خوف وذل ومهانة وعبودية
ظل يزرعها النظام في النفوس حتى ظنوا انهم يحكمون قطيعا وللاسف وتجبروا واعتدوا
وكذبوا وصدقوا انفسهم انهم هم من يعرف ويعلم والباقي جهلة ولا يستحقون الحياة لو اعترضوا
ولكن ولله الحمد ياتي دائما من بعد كل ضيق فرجا ومن كل هم مخرجا ولله الحمد
وبتوفيق من الله في الاساس نجحت الثورة وازيل النظام ..

[quoteبالفعل هي ثورة ليست فقط ضد النظام ولكن ضد الخوف اللي كان مقيد البشر
ولكن يارب نقدر نستفيد منها بطريقة صحيحة و نتعاون ونبني مع بعض
مش كل شوية نلاقي مشكلة في مكان وثورات مصغرة تخلي البلد على الدوام مشتعلة
ربنا يحفظ بلادنا الإسلامية][/quote]


الخوف من اللي جاي ده طبيعي ومن المجهول ولكن يجب ان لا يسيطر علينا حتى
لا نقع في نفس ما وقعنا فيه مرة اخرى .. بالصبر والعزيمة والامل تعود بلادنا كما كانت
ان شاء الله بوعينا وهمتنا واتحادنا جميعا ....

جزيت خيرا مرور ولا اروع اختي روووووووووز ..

مع التقيييييم طبعا






يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الخميس مارس 10, 2011 6:11 pm

ياسمينـــــــــــــا
اكيد طبعا في حاجات نتفق عليها وحاجات تانية نختلف ونقف عندها لا يمكن ان
اتفق تماما مع فكر كل الناس ولكن اتفق مع واحد اثنان مائة
ولكن في النهاية لكل شخص مخيلته وثقافته ووعيه ومن هنا تاتي اختلاف وجهات النظر
مهمتي التوضيح ومهمة من امامي ايضاا التوضيح لنصل الى كلمة سواء ..

اقتباس :

بجد الكلمه دي تحزن وتخوف ..ماتخيلش نفسي اعيش بره
مهما كانت الاغراءات ممكن اسافر كسياحه انما هجرة !!
ونفسي م كل قلبي كل المصريين اللي فاي دول بره يرجع ويلاقي
نفس المستوي بنفس الرفاهيه والعيشه الكريمة

كتير جدااا من اللي برة بيقولوا كده ونفسهم يرجعوا بلدهم اوي
حسوا انهم ليهم كرامة حسوا ان بلدهم فعلا حلوة وتستحق ان نعيش فيها
شعروا ولاول مرة في حياتهم ومنهم من جاوز الاربعين بانه مصري على حق
وافتخر انه مصري بعد الثورة لما حققته من كرامة وعزة الانسان المصري
وعاد لحجمه وطبيعته ووقاره وهيبته التي شهدها له العالم اجمع منذ القدم
ولكنها كانت مدثورة مختفية تحت اقدام الظالمين من الحكم البائد
اعرف اناسا في الخليج ومنهم اخوتي والله عندما تنحى مبارك ذهبوا الى اعمالهم
وعزفوا النشيد الوطني المصري ورددوه جميعا بما فيهم مواطني الدولة الخليجية
ورفعوا العلم المصري وقبلوه ووالله لم يتخيلوا انهم في يوم من الايام سيفعلوا هذا
لانهم كانوا يشعرون بمهانة عظيمة وكانت نظرات المواطنين لهم ايضا بانك محتقر في بلدك
فلماذا لا احتقرك ايضا في بلدي (الا من رحم ربي طبعا منهم)
ولذلك اذا تحسنت الاوضاع هنا ووجدوا فرصتهم سيعودوا ان شاء الله
في القريب العاجل ويكفي ما يعيشوه من احساس رائع مرفوعي الراس بين
اشقائهم العرب هناك وفي الدول الاجنبية يتهافتون على لقاء اي مصري والتحدث معه ..

اقتباس :
"كل أهالي المعادي و البساتين يبايعونك يا مبارك" !!

عارفة الموضوع ده ياياسمينا غلط قضائيا علشان انت كده بتتكلم بالنيابة عن كل الناس
في المكان طيب انا مش موافق ليه تقول على لساني كده وفعلا ناس
قدمت قضايا ف ناس عملوا كده لانهم مش موافقين وده اتكلم باسمهم فيترفع عليه قضية
هو طبعا القضية كانت بتحفظ وكل عام وانتم بخير بس اهو كان بيعمل ال عليه ..

طبعا موضوع البرادعي انا بصراحة مش شايف انه ينفع ابدا يبقى رئيس جمهورية مصر . وكفى .

وباذن الله تعود مصر افضل مما كانت عليه قبل الثورة بمراحل ونرتقي دائما .
نورتيني كتير بمرورك وتعليقك ياسمينــــــــــــــــا ..

مع تقيييييييييييييمي





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الخميس مارس 10, 2011 6:23 pm

نيــــــــــــرة
ربنا يخليكي من زوقك يارب اختياري للمواضيع ياتي من درايتي بان من
سيقرأون الموضوع هم من المثقفين والمتعلمين امثالكم فلابد ان تكون في مستواكم ..

بالسنبة لموضوع التعاطف ده مش انتي لوحدك يا نيـــــــــــرة
كتير اووي فعلا كانوا كده وللاسف زي ما ذكر بالظبط اننا اتعودنا
يمكن اتناقشت في خلال الاحداث هنا في المنتدى مع ناس منكم كانوا معرضين
ان حسني يمشي وده انا مش لقيته هنا بس لا ف كل حتة ومع اصحابي وناس
قريبين مني كتييير .. طيب انا في واحد بعد اول خطاب قالي كفاية كده وخلاص
حققنا اللي عاوزينه يقصد تغيير الحكومة قلتله لا بعدها رجع وقالي فعلا لسه
بعد الخطاب التاني قال كفاية يا عم حرام انتم عايزين ايه تاني البلد هتخرب
قلتلو لا لسه لازم يمشي بعد ما شاف البلطجية رجع وقال لا لازم يمشي
بعد الخطاب التالت قبل التنحي بيوم قال نفس الكلام وارجعو وكده ..
والله زي ما بحكيلك ده دليل ان الشعب للاسف اصبح ومن كتر ما عودونا الله ينتقم
منهم جميعا على الخوف والرعب وعدم ابداء الراي والمشاركة والتفاعل والثقافة
اصبحت العقول مغيبة والاذهان لا تستطيع التحديد والادراك لما يحدث حولها
ولكن بارادة الاقوياء وبدعوات المظلومين ومن جلسوا في بيوتهم ومن ساندوا
الثورة من قلبهم وخافوا على مصر وترددوا ايضا بدعواتهم بدات الثورة والحمد لله
وبالصبر والامل والعزيمة سنكمل نجاحها ان شاء الله ..

اقتباس :
!!!!!!!
الكلام دة حقيقى ولا ايه؟؟
انا كمان سمعته
وسمعت اللى اكتر من كدة ان جمال وابوه بيحكومنا من الاسر
طب نعمل ايه عشان نتأكد ونعرف

فعلا صحيح والحزب لا يسكت ولابد ان يدخل بوجوه جديدة غير معروفة حتى
لا يعرفه الشعب ولكن ايضا بالوعي والفهم سنتصدى لهم لان الشعب استفاق من الغيبوبة
انما جمال وابوووه اعتقد الان وفي ظل الاوضاع الحالية انتهى مباااااااااااااااارك للابد
ان شاء الله لان الامور لم تعد بتاتا في يديه ولم يعد اي مسؤول قريبا منه
فليس هذا مصدر خوفنا ولكن الخوف من الحزب واعوانه وبلطجيته وظالمي امن الدولة ...
واللي علينا اننا في اي مكان وع اي حد نتكلم ونحكي ونوضح ونزيح
اي خلاف واي طائفية ونهدي الناس سواء اللي بيطالب مطالب فئوية سواء ناس
عاوزين يعملوا فتنة طائفية لازم يكون لينا دور في التوعية لاننا احنا الشباب
اللي لازم نعمل كده وال فاهم يفهم ال مش فاهم ..
وباذن الله كل شئ يتحل ومصر تصبح افضل ان شاء الله ..

مرورك زاد الموضوع روووعة نيررررررررة
وكل الشكر والتقييم لكي






يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: تخلص من مبارك اللي جواك ...!!!   الأحد مارس 13, 2011 5:37 pm

خطير يا بيبو .. ومقالتك خطيرة ..

يسلموا .. شريف عرفة وبيبو باهى

واحلى اصحاب

انا رايى اننا هانحتاج شوية وقت علشان نتخلص من مبارك اللى جوانا تماما

انا واحد من الناس . .
نظام مبارك عمل لى متلازمة ستوكهولم ومتلازمة سيف بن زى يزن ومتلازمة ماتشات الكورة .. ومتلازمة وانا مالى .. ومتلازمة مفيش فايدة

وجانى فوبيا المصالح الحكومية وفوبيا المواصلات وفوبيا المستشفيات والمدارس
وفوبيا الانتخابات ..

كوكتيل مشاعر قوية بمجرد ما ادخل اى مكان منهم :
ضيق على اكتئاب على تحفز على مرارة

بمناسبة التعاطف مع مبارك .. انا ما تعاطفتش معاه للحظة ( لا قبل 25 ولا بعد 11 فبراير )
اانا الحقيقة تعاطفت مع الناس ومع بلدى ..
مفيش عيب ابدا ان الواحد يبقى خايف على بلده .. والصمود هبة من الله
علشان كده اول تعليق ليا بعد خطاب التخلى : هو اعجابى بصمود الشباب الرائع فى الميدان ..

لمقال يستاهل مشاركات كتيرة .. وفيه تفاصيل مهمة ومتعددة

يبقى نستأذن .. ونرجع بعد شوية ( وبعد اذن بيبو طبعا )

++







الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الأحد مارس 13, 2011 6:00 pm

يا سلااااااام يا هندسة ده انا كنت مستني مرورك
طبعا بتحايلني انت كده بالرد ده بس هستناك تاني ..

الفوبيا دي ما جات ليك لوحدك يا هندسة
الحمد لله كلنا في الهوا سوا دي حاجة طبيعية
واللي ما جاتلوش مش طبيعي مصر فعلا كانت مخطوفة
وحمد الله على سلامتهــــــــــــــا
ويارب نقدر نحافظ عليها ...

الحمد لله اسجل عدم تعاطفي بالمرة معه ولن اتعاطف ...

مستنيييييييييك





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
أحـمـد الأثـري
صديق مميز
صديق مميز
avatar

ذكر
عدد المساهمات : 42
العمر : 30
الاوسمة: :
النشاط : 118
التقييم : 3

مُساهمةموضوع: رد: تخلص من مبارك اللي جواك ...!!!   الأحد مارس 13, 2011 6:11 pm

أشكر كل الاخوة على المشاركة واحببت ان اشاركم في موضوعكم وأقول وبالله التوفيق نرى وبكل نظر خارق ونتفكر بعقولنا المتحررة والمتجردة من التبعية ان ما حدث في تونس وحدث في مصر ويحدث في ليبيا واليمن شيء غريب جدا جدا وذلك من خلال الاحدات الجارية والمتعاقبة لبعضها البعض فعلى أعضاء المنتدى الكرام عائلة احلى أصحاب ان يقوم كل فرد منا ويبحث عن الغمض في الي بيصير في العالم لأان هده امور غير طبيعية والله الموفق يا أحبة
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الأحد مارس 13, 2011 7:28 pm

كيف غريب يا اخي ...؟؟؟
وكيف مو طبيعي ارجو منك توضيح وجهة نظرك للنقاش فيها .
منتظـــــــرك اخي





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
أحـمـد الأثـري
صديق مميز
صديق مميز
avatar

ذكر
عدد المساهمات : 42
العمر : 30
الاوسمة: :
النشاط : 118
التقييم : 3

مُساهمةموضوع: رد: تخلص من مبارك اللي جواك ...!!!   الأحد مارس 13, 2011 10:12 pm

نعم وكما قلت لك اخي الامور الجارية في الساحة غريبة وموطبيعية وأقول وبالله التوفيق ماوراء هده الأحداث أيدي خفية مدسوسة أوصلت أيديها الى المسلمين بصورة خير وكم من محب للخير لم يدركه نعم ان ما وراء ما يحدث في الساحة هم اليهود وحقيقة أمرهم زعزعة استقرار المسلمين ودليلنا في دلك ان ما حدث ويحدث أفرح الامريكان والغرب وهناك أدلة على دلك لومن أراد الغهم اطثر فاليتبع موضوع اتسائل مع نفسي وأسأل غيري ....والله الموفق
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الإثنين مارس 14, 2011 12:37 am

نعم يا اخي اتفق معك انها غريبة لانها لم تحدث منذ
عقدين او تلاثة او اربعة عقود من الزمان كما عند القذافي
ولكن الغرابة لا تعني الانزعاج ولكنها تعني الصحوة التي
يعيشها الشعب وتستفيق بها الامة ..

لا اتفق معك يا اخي ان وراءه ايدي خفية ولماذا يكون وراءه ايدي
خفية اذا كانت الايدي تلك تعبث في وضح الشمس ولا احد يتكلم ..؟؟
يعني انت تقول انه مخطط صهيوني امريكي .. كيف يكون ذلك ؟؟
طبعا تتفق معي ان نظام شين العابدين ومبارك والقذافي وصالح وغيرهم
اكبر واقوى عملاء لليهود والامريكان كيف تاتي المؤامرة على حليف
وليس مجرد حليف بل اقواهم واكبرهم وما مصلحة اليهود من
زعزعة الاستقرار في مصر وما مصلحة اميركا في ان تنتظر المجهول
لتعرف من سياتي على سدة الحكم في مصر او غيرها
لماذا يسقطون نظاما في ايديهم من عقود لينتظروا المجهول هل هذا يعقل
ودعك من هذا ارى انك تقول زعزعة استقرار المسلمين
الا ترى يا اخي العزيز ان مصر او العرب عموما والمسلمين بالاخص
كانوا مزعزعين اساسا ولا تعرف الى اين هم ذاهبون ولا شبابها ماذا
كانوا يفعلون من لهو ولعب ونسيان لقضايا امتهم الا ترى في كل ذلك
زعزعة اعتقد لهونا في الافلام زعزعة ومشاهدة وتشجيع المباريات
بقووة وتعصب زعزعة والتفاهة والجهل زعزعة والبطالة زعزعة
والهجرة للخارج زعزعة اعتقد كل ذلك يريح اليهود بما فيه الكفاية
ويطمئنهم على مستقبل المسلمين ..
فلماذا عندما يهب الشاب ويستفيقوا نقووول ان اليهود من حركهم
كيف ذلك وما مصلحتهم اذا كانوا قد فعلوا ما ارادوا تماما ...

ارى يا اخي العزيز انها حركة ربانية من تدبير رب العباد
وبايدي الشباب وتشجيع الشعب وهبته العظيمة والاستفاقة على الظلم
ولاسقاط الفساااد والمفسدين لانه قد بلغ ذروته كل ذلك
ليقضي الله أمرا كان مفعــــــــــــولا
وهذا ما أؤمن به بشدة وكنت اردده دوما هذه الثورة بدات ربانية
وسارت والله ربانيـــــــة وانتهت ربانية فكل من تدبير الله
ولا يعلم احد ماذا سيحدث الا الله واقول ايضا لا نعلم اخير ام شر
ولكن نسال الله ان يكون فيه خير للاسلام والمسلمين عامة ..

منتظــــــر تعليقك





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
مواطن مصري
فكر هندسي مميز
فكر هندسي مميز
avatar

ذكر
عدد المساهمات : 4199
العمر : 39
الاوسمة: :

النشاط : 5069
التقييم : 939

مُساهمةموضوع: رد: تخلص من مبارك اللي جواك ...!!!   الإثنين مارس 14, 2011 11:11 am

حاااااضر يا مدير انا هارجع لك مرة واتنين والف ان شاء الله

بس حبيت احيي اخونا احمد الاثرى وانتقاؤه للكلمات وللاسلوب - برغم اختلافى معه -

وحبيت كمان اسجل اعجابى برد الكابتن بيبو وتحليله المنطقى والمقبول
وكلها تساؤلات تفند نظرية المؤامرة ..

واقول :
انى اقر بنظرية المؤامرة ولكن ليس على طريقة الشماعة التى نعلق عليها كل شيء .. !!!

نعم لايريد الغرب واسرائيل للدول العربية ان تتقدم .. ويتآمرون عليها حتى تظل تابعة لهم اقتصاديا وعسكريا وفكريا .. وهذا يناقض فكرة ان يتآمروا لاحداث ثورات حرية وكرامة فى الدول العربية ..

لا اقبل فكرة ان مبارك كان عميل لامريكا واسرئيل وافضل استخدام التعبير الذى استخدمه اوباما فى خطاباته فى عز الازمة .. ( ان مبارك حليف استراتيجى لامريكا )
وهنا يصبح واضحا تماما .. ان الاطاحة بمبارك ليس فى مصلحة الغرب واسرائيل
========

ولا تعجبنى فوبيا عقدة الخواجة ..

حتى افضل انجازات الشعوب .. نحولها لمؤامرة غربية ...!!

او اننا نطعن فى اسبابها ونتائجها

=========
اما عن ربط ظاهرة _ المظاهرات _ بمتسلسلة تتتابع فى الوطن العربى

فهذا لا يعنى انها مؤامرة .. ولا يندرج تحت نظريتها

بل يعنى نضج الوعى العام لدى الشعوب العربية

فهذا يذكرنى بثورات التحرر من الاستعمار الغربى ف القرن العشرين

فعندما نجحت مصر فى التحرر من الاستعمار .. رأينا الدول العربية تركب قطار الحرية دولة وراء اخرى ..

هل تظن ان تحرر الدول العربية من الاستعمار ..( كان مخطط غربى ) ..!!!؟؟

اما عن السرعة والتلاحق .. فهذه ميزة عصر الاتصالات والفضائيات والعولمة

ولان القاسم المشترك لهذه الانظمة العربية البالية هو الاستبداد والظلم والقهر والتسلط ..
فان الشعور الشعبى كان ايضا متوحدا ومصرا على الاطاحة بالرؤساء

ولا ادعى لمصر فضل المبادرة .. وانما هو شرف لتونس لحقت بها مصر سريعا

وهاهى اليمن تحاول .. وليبيا تعانى .. والبحرين تتأرجح .. والجزائر والاردن والسعودية تتمخض

نصر الله شعب اليمن وليبيا والبحرين وكل الشعوب العربية

فهم يستحقون حياة افضل








الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: تخلص من مبارك اللي جواك ...!!!   الثلاثاء مارس 15, 2011 9:02 pm

سلمت يداااااااااااك يا هندســـــــــة
ارجو ان يكون اخي احمد الاثري قد لفت
انتباهه الرد وقراه ...





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
 
تخلص من مبارك اللي جواك ...!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى اصحاب :: المنتدى العــــــــــــام  ::  عـــــــــــــــام -
انتقل الى: