ما هو شعورك الآن

الجو برد اوىىىىىىىى

السلام عليكم

اخباركم احلى اصحااااااب

يارب يكون الجميع بخير

سامحوني النت كان فاصل من فترة كبيرة ومش رجع غير دلوقتي

قولت اول حاجة لازم اعملها ادخل اسلم على احلى ناس

نووووووووورت يا أحمد
يارب دايما بخيييييير

شوفت احنا طيبين ازاى
مش طالبين اكتر من انكم تطمنونا عنكم

يااااااااااااااااااارب دايما الكل بسعاده وخيييير وراحة بال يااااااارب


اهلا يا مديييييييير
يااارب تكون بخيييير



منوووورنا يا باشمهندس



______________


مهما فى الدنيا من غباوه ومواقف تخنق
وحاجات كده كتيير مش لطيفه

لكن لما تلاقى فى وسط كل دا حد حنين عليك بجد
وبيفكر فيك وبيخاف على زعلك

بجد شعور كفيل انه يخفف عنك الكثيــــــــر



شعورى .. مطمنـــــــه

بنورك عاشقة الجنة
ويارب يفضل شعورك الطمأنينة

طيب هوا حضرتك فى حاجه مدايقاك لا قدر الله ؟؟

مش عارفه لييه حاسه انك مكشر


(لاهي رخامه ولا تدخل والله كل الحكايه
انى مش بحب احس ابدااا ان حد كده)

صحيح فعلا
حتى بكلم اتنين من صحابي على الفيس وبيقولو لي نفس الكلام
اممور جدا شغلاني ومضايقاني

سيبها على الله

مش هنقدر نقولك كبر دماغك ومتفكرش فى حاجه
اكيد كل اللى بتفكر فيه مهم .. وعلى راسنا طبعا

لكن على الاقل متخليهوش ياثر على حالتك النفسيه
العبد فى التفكير والرب فى التدبييييير

ربنا كبيييييييييييييييييييييييير اوى
وحنين اووى اووى

وان شاااء الله ييسرلك كل شىء



كفايه دعواتنا ليك هههههههههههههه

منوووره يا ايمان

يارب تكونى بخير


طمنينى عنك

زعلانة اوىىىى

لييييييييه بس ياحبيبتى

بسمله نفسى اشوفك لفتره طويله مبسوطه
بجد والله نفسى

صلى على النبى يا جميله

واقبلى منى البوكيه دا روقى بيه اعصابك

ورد بلدى هااااااه

تعرفى دفعت فيه كاااااام دا





اضحكى بقى اضحكى علشان معيطش جنبك

شكرا على الورد

وانا عمرى ما كون مبسوطة علشان اتجرحت من اقرب الناس ليا عارفة لما تتجرحى من حد مينفعش يكون فى حد مكانه عارفة لما تتجرحى من سبب موجودك فى الحياة عارفة لما يكون فى ناس فى حياتك مينفعش تغيريهم هكون مبسوطة ليه الدنيا وحشة اوى ومبحبش حاجة فيها انا متحملها لحد ما اروح لربنا .

بسمله انا بموووت لما بشعر بحد حاسس اللى انتى حاساه دا
بالله عليكى بلاش تبصى للدنيا كده

الدنيا فيها وحشين وفيها شر ..
ايوه فيها وكتييييير كمان

لكن بردو يا حبيبتى الكويسين موجودين والخير بردو والله

وبالنسبه للجرح اللى بتقولى عليه انا مش هقدر اتكلم
كتير عن الموضوع علشان انا معرفش اييه تفاصيله

لكن الاكيد ياحبيبتى انك ان شااااااااء الله اخترتى صح
واللى حصل يا اما كان سوء تفاهم مهواش جرح بمعنى جرح
ولا اللى كمل كده كان قاصده .. احنا بشر يا بسمله
وطالما الانسان او الانسانه اللى اودامك فعلااا كويس
دا بيخلينا نستحمل كتييييير ونعدى كتييييير
ودا مش تفضل مننا .. دا علشان اختيارنا فعلا يستاهل كده
وعلشان كمان اكيد هييجى الوقت اللى هنحتاج احنا كمان
ان اللى احنا اختياره يسامحنا وبردوو مش هيبقى تفضل منه
دا علشان انتى تستاهلى ..

اللى عمل حاجه زعلتك دا صدقينى اكيد هيرجع وهيعتذرلك
ولو مش بالكلام هيبقى بأفعال .. وهتنسى كل اللى حصل
مهماااااا كان عمل .. لانه فعلا حد كويس

وخليكى كرييييييمه ومميزات اللى اودامك تشفع لبعض اخطاءه


ارجووووووووووكى فكيها وييسرى الامور على نفسك
ربنا مخلقناش نعذب نفسنا كده يا بسمله



يااااااااااااااااااااااااااااااارب يريح قلبك ياحبيبتى يارب





كده حسابك تقل هاه

يعنى هيكون شعورى اييه غير

الوجـــــــــــــــع

على اللى شايفينه دا كله



يااااااااارب الطف بينا يارب

مقهوره بشكل
ربنا معاك يامصر
حسبنا الله ونعم الوكيل ربنا ينتقم من كل ظالم

أنا بجد ابتديت احس ببرود تجاه البلد دي

ايه اللي احنا بنعمله دة بجد

انا بندم علي كل كلمة قلتها قبل كدة في حق الجزائريين في واقعة مصر والجزائر الشهيرة

وقتها ما حصلش كل دة

ازاي يعني مصري يقتل اخوه ازايييييي

سيبنا بقي من الكلام عن الشرطة وبتوع طرة والمجلس

انا مش متخيلة ان حد من اخواتي مثلا يبقي في موقف اي من الطرفين

ازاي يعني الموت بقي سهل كدة

مهما كان مين السبب مين يقدر يوقع بيننا بالشكل دة

انا اكتر حاجة حزينة عليها شكلنا كمسلمييييييين

ازاي يعني نبقي قدوة ونبقي واجهة مشرفة لينا ولديننا وعقيدتنا

وازاي نمحي عن نفسنا تهمة العنف اذا كان احنا كدة بينا وبين بعضنا

معقولة مصر فيها شباب كتير كدة ما عندهمش اخلاق

مش مصدقة نفسي

اقتباس :

ازاي يعني مصري يقتل اخوه ازايييييي

قابيل قتل اخوه هابيل .. ( حسدا ونقمة )
--------

اقتباس :

سيبنا بقي من الكلام عن الشرطة وبتوع طرة والمجلس

يبقى ماعادش فيه حاجة نتكلم عنها اصلا يا دكتورة
------------
ماحدش وقع بيننا ولا حاجة يا آية
الحكاية كلها .. ان دمنا بقى رخيص
وارواحنا مالهاش تمن
كل اللى لازمه شوية قلق .. يكلف شوية - غير ادميين - بقتل شوية مصريين
واخرها لجنة تقصى حقائق .. ولا حساب ولا قصاص
يعنى دمعة سدى واحزان بلا جدوى

اتقتل المصريين قبل كده كتير .. ظلما وعدوانا
وللاسف وجد القاتل من يدافع عنه ويبرر له القتل :
( خربتوا البلد - ايه اللى وداهم التحرير - ورايحين عند ماسبيرو ليه - ولابسة عباية بكباسين يبقى تستاهل اللى يجرالها .. دى قلة ادب ازاى يعتصموا قدام مجلس الوزرا )
انما اول امبارح .. مش لاقيين حجة يبرروا بيها القتل
( اصل دول شوية مشجعين ماتش كورة .. رايحين الاستاد يشوفوا الماتش
ايه الجريمة اللى عملوها ؟؟ ( والغريبة ان المشجعين المتهمين بالقتل
فريقهم هو اللى فاز ........................!!

الضحايا لا راحو عند الداخلية ولا مجلس الشعب ولا الوزراء
وبرضوا اتقتلوا .. وسفكت دمائهم بسرعة مدهشة
تفوقوا فيها على بشار وصالح بمدافعهم الثقيلة
موقعة الجمل 2 - 2 - 2011 مات فيها 7 ضحايا ( على ما اذكر )
وذكرى الموقعة 1 -2 -2012 مات فيها 77 ضحية
والفاعل واحد .. مازال مجهول .......... !!

يا دكتورة ..
مفيش شغب ملاعب فى العالم كله بيموت فيه اكتر من70 بنى ادم
فى ساعتين زمن

انا فاهم وجهة نظرك وفاهم تقصدى ايه
لكن اللى انا معترض عليه .. اننا نتصور ان االمجزرة اللى حصلت
مجرد شغب ملاعب .. او اننا بنهيص فى الزحمة وندبح بعض
دى لو خناقة فى المدبح .. مش هايموت فيها العدد ده

مستحيل اصدق ان مأساة بورسعيد .. مجرد طيش و همجية

لا ادري فلقد تاهت المشاعر

او بالاصح خلص الكلام
...

السلام عليكم احلى اصحاب

وكل سنة وانتووو طيببيين بمناسبة المولد النبوى الشريف

وربنا يجعل اليوم المبارك دة يوم انتشال لمصر وأهلها مما يعانون منه

**

الاول لما كانوا يقولوا المجلس يسلم السلطة كنت بقول طب يسلمها لمين ؟؟؟؟

وقولولنا اسامى ناس معينة او مجموعة افراد نسلملهم السلطة..

لكن دلوووقتى جيم اوووووووووفر خاااااالص يا مجلس يا عسكرى ... سلم السلطة ولو لاى حد .. عشان دم المصرى اللى رخصتوه دة.. كفاية كدة بجد

هنستنى لما يموت كام الف حد كمان عشان تسيبونا بقى .. ولا انتو مش لاقيين طريقة للخروج الاَمن بتاعكم .. وصدقونى عمركم ما هتلاقوه الخروج الاَمن دة..

واخيرا اقدم اعتذارى عن عدم دخولى فى الفترة السابقة

اقتباس :

لكن اللى انا معترض عليه .. اننا نتصور ان االمجزرة اللى حصلت
مجرد شغب ملاعب .. او اننا بنهيص فى الزحمة وندبح بعض
دى لو خناقة فى المدبح .. مش هايموت فيها العدد ده

انا ما قلتش ابدا ان دة مجرد شغب ملاعب

والدليل علي كدة ان حادثة مصر والجزائر الشهيرة علي ما افتكر ما ماتش فيها حد

انا اللي محزني ان مهما كان مين المحرض

هيلاقي كم كبير كدة من المنفذين ازاي يعني

دي فكرتي

يعني الناس المتسلطة دي مثلا ليه كتيييييير كدة

77 واحد دول اكيد اللي موتهم من غير اسلحة يبقي عددهم اضعافهم

دة اللي انا اقصده

انا دلوقت فعلا بقيت عايزة المجلس العسكري يسلم السلطة مش اقتناعا

لكن قرفا وزهقا

عايزة نخلص بقي بجد

بس يا ريت نخلص

نفسي ييجي اليوم اللي هننتخب فيه رئيس ونخلص

او نبتدي او نعمل اي حاجة بس المهم ننتهي من الدم والموت دة بقت حاجة سهلة كدة