احلى اصحاب
منتدى احلى اصحاب
الاخوة الصادقة
اخوه فى الله - ممزوجة بالايمان
ندعوك للتسجيل معنا فى المنتدى واضافة لمستك الجميلة فية



 
الرئيسيةمكتبة الصورالتسجيلالأعضاءدخولبحـثس .و .جالمجموعات

شاطر | 
 

 هفتح قلبى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Niera
تلقــــــائية الكلمــــات تلقــــــائية الكلمــــات
avatar

انثى
عدد المساهمات : 4260
العمر : 27
الاوسمة: :

النشاط : 5569
التقييم : 889

مُساهمةموضوع: هفتح قلبى    الثلاثاء أبريل 03, 2012 3:46 pm

بسم الله الرحمن الرحيم

sm32

***
**
*

أنا قلت فى موضوع ما هو شعوركـ إنى هكتب شعورى هنا .. فى موضوع مستقل ..

من أمبارح وأنا بفكر .. ليه أصدقائى صحباتي اللى كانوا معايا فى الكلية وعلى مدار

سنوات التعليم دى كلها .. مفيش حد منهم بيتصل يسأل أو يتطمن عليا ..

مع أننا لما سيبنا بعض فى اَخر يوم في الكلية كنا كويسين جدا مع بعض .. وفضلنا فترة

بعد الكلية نسأل ونتكلم .. بس ليه كل ما الوقت يمر كل واحد دنيته بتاخده ومشاغله

بتشغله عن انه حتى يرن_ مجرد رنة ومش بقول مكالمة أو زيارة _ على أصحابه اللى كانوا

معاه واللى قضى معاهم وقت جميل

يعنى من كل سنيين الدراسة الطويلة العريضة دى .. مطلعتش غير بصديقة واحدة ...

طبعا هيا كفاية عليا وهيا عارفة معزتها عندى قد إيه

بس أنا بستغرب جداااا .. ال5 التانيين اللى كنا أكتر من أخوات راحوا فين .. الانقطاع

الفظيع دة ويا دوووب عدى علينا سنة .. أومال لو عدوا سنتيين أو تلاتة .. بيتهيألى لو جه

أسم واحدة منا قدام التانية هتقول أنا فاكرة أني سمعت الاسم دة قبل كدة ..

حتى لما بفتح الميل .. مش بلاقى عليه أى حد فاتح أصلا .. مش عارفة دة ليه علاقة

بصحاب الدراسة بردو ولا ايه !!!

بفضل افكر كتير إني بقيت وحيدة أوى وكل صحابى خلاص بعدوا ..

وأنا عارفة أن ممكن أو أكيد حد يقولي طيب ما تبدأى أنتي وتكلميهم ..

بحس بإحراج لما اكلم واحدة وألقاها بتقولى أصلك عارفة بقى الجواز والمشاغل

واللى تقولي الخطوبة ومش فاضية .. فعشان كدة باخودها من قصيرها وبسكت وبقول

كأن الصحوبية والأخوة اللى بينا دى كانت فترة وعدت ..

أو أفضل أقول أكيد مش فاضيين وظروفهم منعاهم أنهم يسألوا

***

كنت محتاجة إنى أتكلم وأفضفض عن اللى جوايا .. لأنى بجد متضايقة من الوحدة دى

وحاسة إنى هبقى متبرمجة وشبهه إليكترونية عشان مش بكلم حد غيركم ع النت

وبدعــــى ربنا إنى يحصلى أى حاجة جديدة .. عشان أخرج من الجو دة .. وأبقى أنا كمان

مش فاضية ومشاغلى مخليانى مش عارفة أتواصل معاهم
الرجوع الى أعلى الصفحة اذهب الى الأسفل
الريح77
صديق لامع
صديق لامع
avatar

ذكر
عدد المساهمات : 700
العمر : 51
الاوسمة: :

النشاط : 1102
التقييم : 154

مُساهمةموضوع: رد: هفتح قلبى    الثلاثاء أبريل 03, 2012 4:52 pm

السلام عليكم ورحمة الله وبركاته

هذا الموضوع كثير ما يحصل مع الاصدقاء اذا كان في المدرسة او الجامعة وهذا الامر ينطبق عليا ولكن بالعكس على ما

تتحدثين الحياة لها دور اساسي في الابتعاد والفرقة بين الاصدقاء وهذا لا يمنع من التواصل ولكن المجتمع فقد الكثير من هذة

المميزات الذي كنا نعيشها كما يقلون اصدقاء على الطريق مجرد نهاية الطريق الكل يفترق ويبتعد بعيدا بالرغم من التواصل

المستمر بالسابق

الكل منا له حياة خاصة بمجرد الدخول اليها يعيش فيها مع اصدقاء جدد قد يتعايش معهم في حياتة الجديدة ما بعد الدراسة ويحاول

ان يتعايش المرحلة ولكن خيتي هذا لا يمنع ان في يوم من الايام سيكون هناك اتصال لان في اعتقادي ان الماضي لن يستطيع اي

انسان ان يتخلى عنه سيكون هناك ذكريات ونحن في كل مرحلة من حياتنا نعيشها بشكل مختلف عن المرحلة التي خلت

انا اليوم اعيش الابتعاد عن الاصدقاء بالرغم من الاتصال المتواصل عبر الجوال من اغلب اصدقائي في الماضي ولكن عملي

هو ما يمنعنى بالتواصل مع اصدقائي

اريد ان اجلس معهم اتذكر الماضي معهم اريد ان اضحك ان ابتسم اعيد الماضي كله ولكن هيهات ان يرجع الماضي

لاني مشغول عالطول

هي سنة الحياة

ابنعاد اقتراب هجر كل الحياة مشاغل

ارفعي جوالك وبادري بالاتصال ولا تنتظري الاتصال

اعتقد انه سيكون هناك لقاء

يمكن اكون رغيت كثير في هذا الموضوع

تمنياتي لكي بالتوفيق

ابو احمد
الرجوع الى أعلى الصفحة اذهب الى الأسفل
Niera
تلقــــــائية الكلمــــات تلقــــــائية الكلمــــات
avatar

انثى
عدد المساهمات : 4260
العمر : 27
الاوسمة: :

النشاط : 5569
التقييم : 889

مُساهمةموضوع: رد: هفتح قلبى    الثلاثاء أبريل 03, 2012 9:26 pm

لا رغيب ولا شئ أستاذى

كلامكـ حلو جدااا وواقعى جدااا

سهل جدا عليا اني إبدأ وأرفع جوالى واسأل عنهم

بس أنا بسأل لييييييييييه هما مش يجى فى بالهم يعملوا كدة ؟؟؟

حضرتك بتقول كمان بتحب ترجع لأصدقاء الماضى

ودة لأنك عندك أصدقاء فى العمل

انا بقى معنديش عمل ولا اصدقاء جدد ممكن يعوضونى عن صحاب الدراسة

فعشان كدة صعبان عليا اننا نكون صحاب كدة ومحدش يعرف حد ولا يسأل على حد
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: هفتح قلبى    الأربعاء أبريل 04, 2012 1:24 am

مهم جداااا موضوعك وكلامك يا نيرة

فعلا انا لاحظت الموضوع ده كمان بالنسبة للاولاد
اعتقد وانا فسرته ان اصحاب الجامعة عمرهم ما بيكونوا
زي اصحاب الصغر ومراحل التعليم الاساسية
لأن العلاقة في الجامعة بتبدأ ف سن كبير
وبالتالي كل واحد بيكون اخد شخصيته خلاص
ووضعه وبالتالي هو لما بيدور على حد يكلمه في
الجامعة او يصاحبه اعتقد بيبقى في العقل الباطن
مجرد حد بقضي معاه وقت الجامعة وبيسليني

اكيد ده مش بيبقى محسوووب بس بيكون ف العقل الباطن
الا من رحم ربي طبعا
بالتالي على ما بتخلص فترة الجامعة ومع اول انشغال
في الحياة بتلاقي انهم ولا كأن كان في صداقة او
صحوبية او خلافه وكله بينسى وفين وفين لو حصل اتصال
وبيكون ف وقت الفراغ برضه

المشاغل عمرها ما كانت سبب لبعد الناس عن بعض
بس الموضوع بيبقى اولويات انتي ليكي اصحاب
درجة أولى واصحاب في المرتبة التانية اكيد
بالتالي لو انشغلتي هتسلكي نفسك باي طريقة
وتكلمي القريبين الاول وتطمنيهم فين وفين
بقى لو فكرتي تكلمي التانيين وهكذا هما برضه

ده تفسيري
واكيد كل ده فترة وهتعدي

واعتقد السبب الرئيسي بالنسبة لك ف كده
هو الفرااااااغ ودماغك مشغولة كتير
وفيها قلق من اللي جاي ومش مستقرة
علشان كده حاسة بوحدة جامدة

ربنا يفك كربك وضيقك وييسر حالك

اتمنى اكون أفدت





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
duaa anber
صديق لامع
صديق لامع
avatar

انثى
عدد المساهمات : 843
العمر : 22
الاوسمة: :

النشاط : 1135
التقييم : 220

مُساهمةموضوع: رد: هفتح قلبى    الخميس أبريل 05, 2012 6:30 pm

احساس صعب والله وانا برضو بحس بيه مع اني لسه حتى موصلتش للجامعه،كان عندي صاحبه مكنت اتخيل في يوم اننا نبتعد عن بعض بس فجاة وبدون سابق انذار قطعت علاقتها بيا ليه كده مش عارفه حصلتلي اكتر من مرة وقولت من ساعتها اني خلاص مش هصاحب حد تاني بس مفيش فايده صعب الواحد يعيش وحيد اتصاحبت فالسنادي على اتنين حبيتهم قوي بس دايما في بالي هل ممكن في يوم يسيبوني؟ وغير كده الي ماثر على علاقاتي مع صحباتي اني بقول ليه اصاحب حد وكده كده هنفترق عشان لما اروح مصر عشان الجامعه ساعتها مش هشوفهم تاني يبقى افضل وحيده احسن عشان الوداع صعب خاصة لو شخص بتحبيه
---
انا اسفه يا نيره قعدت اتكلم عن نفسي وما افتدتكيش في حاجه بس موضوعك جيه عالجرح
الرجوع الى أعلى الصفحة اذهب الى الأسفل
Niera
تلقــــــائية الكلمــــات تلقــــــائية الكلمــــات
avatar

انثى
عدد المساهمات : 4260
العمر : 27
الاوسمة: :

النشاط : 5569
التقييم : 889

مُساهمةموضوع: رد: هفتح قلبى    الخميس أبريل 05, 2012 10:30 pm

لا يا دعاء متقوليش كدة

هوا فعلا أحساس صعب وخصوصا انك عارفة ان هييجى عليكى يوم وتسيبيهم

بس ليه متحتفظيش بالعلاقة الجميلة اللى بينكم دى ودايما تسألوا عن بعض

حتى بعد ما تيجى مصر .. واكيد انتى هتروحى السعودية تبقى تقابليهم

وكتييييير ناس بيكونوا بعيد عن بعض فى المكان بس محافظين على صداقتهم بجد

ربنا يرزقكـ الصحبة الصالحة يارب

***

بيبوووو

انا حتى أصحاب الابتدائى اللى المفروض معايا من ابتدائى لثانوى .. أول ما رحنا الكلية وكل واحد راح فى مكان ومشى من طريق مبقيناش نعرف بعض

بس أحلى حاجة انت قولتها

اقتباس :
واعتقد السبب الرئيسي بالنسبة لك ف كده
هو الفرااااااغ ودماغك مشغولة كتير
وفيها قلق من اللي جاي ومش مستقرة
علشان كده حاسة بوحدة جامدة

دة تفسير منطقى جدااااا .. طيب أه الحل بقى ؟؟

انى أكبر دماغى زى ما بيقولوا ومفكرش فى اللى جاى

ولا أشغل فراغى دة ؟؟

طب أشغله ازاى .. بالشغل .. فى البيت رافضين انى اروح أشتغل فى اى مكان

إلا لما يجينى شغل فى مدرسة

طيب أنصحنى بحاجة تانية أعملها وتكون بتتعمل جوة البيت مش بتحتاج خروج ؟؟؟
الرجوع الى أعلى الصفحة اذهب الى الأسفل
BeeBooo
صاحب الطلة البهية
 صاحب الطلة البهية
avatar

ذكر
عدد المساهمات : 11574
العمر : 28
الاوسمة: :

النشاط : 14043
التقييم : 1869

مُساهمةموضوع: رد: هفتح قلبى    السبت أبريل 07, 2012 12:42 am

بصي يا نيرة
تكبري دماغك ومش تفكري ف ال جاي
ده جزء من الحل بس مش الحل كله
علشان كده انتي لازم زي ما بتقولي
تشغلي وقت فراغك بأي حاجة

طالما مش هينفع تشتغلي دلوقتي
الا ف حاجة معينة يبقى تشغلي وقتك جوا البيت

مثلا مساعدة ف عمل اي حاجة وده اكيد بتعمليه
بعد كده اقرأي هاتي كتب مختلفة
ف كافة الثقافات والمجالات واقرأي فيهم كويس
ويا سلام لو كتب تاريخ
ارسمي اكتبي اعملي اي حاجة حاسة
انك موهوبة فيها واعتقد انتي ليكي مهارة في القصة
مش بطااااالة

الأهم من ده كله وال هيشغل وقتك صح
حاولي تحفظي القرآن
ولو كل يوم صفحة او نص بس حاولي

صدقيني كده وقتك هينشغل جداااا





يمكنك التواصل مع ادارة المنتدى عبر
contact@dalem.net
الرجوع الى أعلى الصفحة اذهب الى الأسفل
Niera
تلقــــــائية الكلمــــات تلقــــــائية الكلمــــات
avatar

انثى
عدد المساهمات : 4260
العمر : 27
الاوسمة: :

النشاط : 5569
التقييم : 889

مُساهمةموضوع: رد: هفتح قلبى    السبت أبريل 07, 2012 3:44 pm

والله أفكار جميلة جدااااااا

ومعظمها جة فى بالى .. بس أعظم فكرة بجد هيا حفظ القراَن

إن شاء الله ربنا يقدرنى وأبدأ فى الحفظ

ربنا يكرمك يا بيبوووو ويجازيك كل الخير
الرجوع الى أعلى الصفحة اذهب الى الأسفل
الريح77
صديق لامع
صديق لامع
avatar

ذكر
عدد المساهمات : 700
العمر : 51
الاوسمة: :

النشاط : 1102
التقييم : 154

مُساهمةموضوع: رد: هفتح قلبى    الإثنين أبريل 09, 2012 7:28 am

الفراغ برغم من انه قاتل الا انه نعمة

كيف ذلك ؟

الانسان المشغول دائما يتمنى لحظة فراغ يعيشها مع نفسه ومع اصدقائه ومع اولادة وزوجته ولكن هيهات

والانسان الذي يمتلئ وقته بالفراغ يتمنى الانشغال حتى يتخلص منه

طيب انتي عايزه ايه

اكيد من ده اشويه ومن ده اشويه

طيب بتروحي سوبرماركت الاصيل وده بدو مواصلات مشيا على الاقدام 3 سنوات وفي السيارة سنتان وفي الطائرة

سنه اعتقد في هذه الحالة الى ان تصلين الى المكان تكوني شغلتي نفسك مده طويلة وبعدها اعتقد انكي ستطلبين الفراغ

الاحسن ان تراجعي نفسك وفي حياتك وتبدأي من جديد ببرنامج تحظي به بنجاح

ابو احمد
الرجوع الى أعلى الصفحة اذهب الى الأسفل
 
هفتح قلبى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى اصحاب :: المنتــــدى الاجتمـــاعي ::  افتــــــــح قلبـــــك -
انتقل الى: